തിരുവനന്തപുരം: കേരളത്തില് അടുത്ത ഏഴു ദിവസം വ്യാപകമായ മഴയ്ക്ക് സാധ്യത. 14-16 തീയതികളില് ഒറ്റപ്പെട്ട അതിതീവ്ര മഴയ്ക്കും നാളെ മുതല് 16 വരെ ഒറ്റപ്പെട്ട അതിശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
14-ന് കേരളത്തിന് മുകളില് മണിക്കൂറില് പരമാവധി 50-60 കിലോമീറ്റര് വരെ വേഗത്തില് കാറ്റ് ശക്തമാകാനും സാധ്യതയുണ്ട്. ഓറഞ്ച് അലര്ട്ട്. നാളെ കണ്ണൂര്, കാസര്ഗോഡ്. 13-ന് കോഴിക്കോട്, വയനാട്, കണ്ണൂര്, കാസര്ഗോഡ്. 14-ന് ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ്. 14-ന് കണ്ണൂര്, കാസര്ഗോഡ് ജില്ലകളില് ഓറഞ്ച് അലര്ട്ട് ആണെങ്കിലും റെഡ് അലര്ട്ടിന് സമാനമായ അതിതീവ്ര മഴയ്ക്ക് സാധ്യതയുണ്ട്.
ഇന്ന് പത്തനംതിട്ട, ആലപ്പുഴ, കോട്ടയം, എറണാകുളം, തൃശൂര്, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളില്. മണ്സൂണ് പ്രമാണിച്ച് കൊങ്കണ് വഴിയുള്ള ട്രെയിനുകളുടെ സമയത്തില് മാറ്റം. 15 മുതല് ഒക്ടോബര് 20 വരെയാണ് മാറ്റമെന്ന് ദക്ഷിണ റെയില്വേ.
പുതിയ ടൈംടേബിള് ഈ മാസം 15ന് നിലവില് വരും. മഴക്കാലത്ത് അപകടങ്ങള്ക്കു സാധ്യതയുളളതിനാല് പതിവിലും വേഗം കുറച്ച് ട്രെയിനുകളുടെ സമയം ക്രമീകരിച്ചുള്ള മണ്സൂണ് ടൈംടേബിള് ഒക്ടോബര് 20 വരെയാണ് ബാധകമാകുക.
കേരളത്തില്നിന്നു വിവിധ സംസ്ഥാനങ്ങളിലേക്കും തിരിച്ചുമുള്ള ട്രെയിനുകളുടെ സമയത്തില് മാറ്റമുണ്ടാകും. പതിവിലും 15 ദിവസം കുറച്ചാണ് ഇത്തവണ മണ്സൂണ് ടൈംടേബിള്. സാധാരണ ജൂണ് 10 മുതല് ഒക്ടോബര് 31 വരെയായിരുന്നു.
