സംസ്ഥാനത്ത് ഷവര്മ വില്പന നടത്തുന്ന സ്ഥാപനങ്ങള് മാനദണ്ഡങ്ങള് പാലിക്കുന്നുണ്ടോ എന്ന് അറിയുന്നതിനായി ഭക്ഷ്യസുരക്ഷാ വകുപ്പ് 1557 പ്രത്യേക പരിശോധനകള് നടത്തിയതായി ആരോഗ്യ വകുപ്പ് മന്ത്രി വീണാ ജോര്ജ്. കഴിഞ്ഞ 5, 6 തീയതികളിലായി രാത്രികാലങ്ങളിലാണ് പരിശോധന നടത്തിയത്.
59 സ്ക്വാഡുകളാണ് പരിശോധനകള് നടത്തിയത്. 256 സ്ഥാപനങ്ങള്ക്ക് റെക്ടിഫിക്കേഷന് നോട്ടീസും 263 സ്ഥാപനങ്ങള്ക്ക് കോമ്പൗണ്ടിംഗ് നോട്ടീസും നല്കി. വീഴ്ചകള് കണ്ടെത്തിയ 45 സ്ഥാപനങ്ങളുടെ പ്രവര്ത്തനം നിര്ത്തിവയ്പ്പിച്ചു. ഷവര്മ വില്പന നടത്തുന്ന സ്ഥാപനങ്ങള് സര്ക്കാര് നിര്ദേശം കര്ശനമായി പാലിക്കണം. അല്ലാത്തവര്ക്കെതിരെ കര്ശന നടപടികള് സ്വീകരിക്കുന്നതാണെന്ന് മന്ത്രി വ്യക്തമാക്കി.
