ബോളിവുഡിന്റെ സൂപ്പര്നായികയായി ഒരുകാലത്ത് തിളങ്ങി നിന്നിരുന്ന ശില്പ്പ ഷെട്ടി കുന്ദ്ര ഫിറ്റ്നെസ്സിനും സൗന്ദര്യത്തിനും ആരോഗ്യത്തിനുമൊക്കെ തികഞ്ഞ ശ്രദ്ധ കൊടുക്കുന്ന സെലിബ്രിറ്റി കൂടിയാണ്. താരത്തിന്റെ ശരീരഘടനയും, ഭംഗിയുള്ള ആബ്സും, മണിക്കൂറുകളോളം ജിമ്മിൽ ചെലവഴിച്ചതിന്റെയും, പോഷകാഹാരത്തിലും ഭക്ഷണക്രമത്തിലും താരം ശ്രദ്ധ കേന്ദ്രീകരിച്ചതിന്റെയും ഫലമായിട്ട് കിട്ടിയതാണ്. സോഷ്യല് മീഡിയയിലൂടെ തന്റെ ഫിറ്റ്നെസ്സ് വീഡിയോകള് പങ്കിട്ടും താരം പലപ്പോഴും ആരാധകര്ക്കും സഹതാരങ്ങള്ക്കും പ്രചോദനമാകാറുണ്ട്.
ഇക്കഴിഞ്ഞ ദിവസം തന്റെ പുതിയ ഇന്സ്റ്റഗ്രാം പോസ്റ്റിലൂടെ മൊബിലിറ്റി ടെസ്റ്റ് ടാലന്റ് പങ്കിട്ടിരുന്നു. ശക്തമായ ഇടുപ്പ്, മികച്ച കണങ്കാലിന്റെ വഴക്കം, മെച്ചപ്പെട്ട പോസ്ചർ, മൊത്തത്തിലുള്ള സന്ധികളുടെ ആരോഗ്യം എന്നിവയിൽ ശ്രദ്ധ കേന്ദ്രീകരിക്കുന്ന ഒരു മൊബിലിറ്റി മൂവ് പരീക്ഷിക്കാനാണ് ശില്പ ആവശ്യപ്പെട്ടത്. ഇടുപ്പ് തറയിൽ തൊടുന്നതുവരെ ശരീരം താഴ്ത്തി, തുടർന്ന് ബാഹ്യ പിന്തുണയില്ലാതെ നിൽക്കുന്ന സ്ഥാനത്തേക്ക് തിരികെ ഉയരുക എന്നതാണ് വ്യായാമത്തിന്റെ ലക്ഷ്യം. ലളിതമായി തോന്നുമെങ്കിലും, ചലനത്തിന് സന്തുലിതാവസ്ഥ, വഴക്കം, ശക്തി എന്നിവ ഇതിന് ആവശ്യമാണ്.
ഇപ്പോഴിതാ ഈ ചലഞ്ച് ഏറ്റെടുത്ത് വിജയകരമായി പൂര്ത്തിയാക്കിയ വീഡിയോ പങ്കിടുകയാണ് മലയാളികളുടെ പ്രിയതാരം അഭിരാമി. തെന്നിന്ത്യയില് തിളങ്ങി നില്ക്കുന്ന അഭിരാമിയും ഫിറ്റ്നെസ്സിന് ഏറെ പ്രാധാന്യം കൊടുക്കുന്ന വ്യക്തിയാണ്. ‘‘പൂർണ്ണമായും കുനിഞ്ഞ് ഇരിക്കാൻ ശിൽപ ഷെട്ടി മാഡം മുന്നോട്ടുവച്ച ഒരു വെല്ലുവിളിയായിരുന്നു ഇത്, ശിൽപ ഷെട്ടി മാഡം മുന്നോട്ടുവച്ച ഒരു വെല്ലുവിളിയായിരുന്നു ഇത്. പൂർണ്ണമായും കുനിഞ്ഞ് ഇരിക്കുക. നിങ്ങളുടെ നിതംബം നിലത്ത് തൊടുക, ആരുടെയും പിന്തുണയില്ലാതെ എഴുന്നേൽക്കുക... ഞാനത് പൂര്ത്തിയാക്കിയിരിക്കുന്നു...’’ എന്നാണ് വീഡിയോയ്ക്കൊപ്പം അഭിരാമി കുറിച്ചത്. വീഡിയോയില് ഒരു വശത്ത് ശില്പ്പ ഷെട്ടി ഈ വ്യായാമം ചെയ്യുന്നതും അഭിരാമി പങ്കുവച്ചിട്ടുണ്ട്.
