തിരുവനന്തപുരം: മുന് യൂത്ത് കോണ്ഗ്രസ് അധ്യക്ഷന് രാഹുല് മാങ്കൂട്ടത്തില് എംഎല്എയ്ക്കെതിരെ നടത്തിയ വെളിപ്പെടുത്തലിന് പിന്നാലെ മുഖ്യമന്ത്രിക്ക് പരാതി നല്കിയെന്ന് എഴുത്തുകാരി ഹണി ഭാസ്ക്കരണന്. താന് തുറന്ന് പറച്ചില് നടത്തിയതിന് പിന്നാലെയുണ്ടായ സൈബര് ആക്രമണം നേരിടുന്നുവെന്ന് അവര് വ്യക്തമാക്കി. ഏറ്റവും ഭീകരമായ സൈബര് ആക്രമണം നേരിടുന്നുവെന്നും പക്ഷേ, നിങ്ങള് എഴുതുന്നത് വായിച്ച് നിങ്ങളും നിങ്ങളുടെ വേണ്ടപ്പെട്ടവരും നാണിച്ചാല് മതിയെന്നും ഹണി ഫേസ്ബുക്കില് കുറിച്ചു.
'നിങ്ങളെ ജനിപ്പിച്ചത് ഓര്ത്ത് അവര് തലയില് കൈ വെച്ചാല് മതി. എന്നെ തീര്ത്തു കളയാന് പറ്റില്ല. സ്ത്രീകള് ഏതെങ്കിലും രീതിയില് തനിക്ക് ചുറ്റും നടക്കുന്ന പല തരത്തിലുള്ള അബ്യൂസുകളെ കുറിച്ച് വെളിപ്പെടുത്തലുകള് നടത്തിയാല് ഉടന് സൈബര് അറ്റാക് നടത്തി ചാണകപ്പുഴുക്കളെ പോലെ പുളയ്ക്കുന്ന പെര്വേര്റ്റുകളുടെ ആഘോഷം കണ്ടു', ഹണി ഭാസ്കരന് പറഞ്ഞു. എനിക്ക് നിങ്ങള്ക്ക് വേണ്ടി ചെയ്യാന് പറ്റുന്നത്, പരമോന്നത സ്ഥാനത്തേക്ക് നിങ്ങളുടെ അതിക്രമം എത്തിക്കുക എന്നതാണെന്നും നിങ്ങള്ക്കുള്ള പൊതിച്ചോറ് വീട്ടില് എത്തിക്കാന് സര്ക്കാരും നിയമവും എന്ത് നടപടി സ്വീകരിക്കും എന്ന് അറിയണ്ടേയെന്നും ഹണി പറഞ്ഞു.
രാഹുല് മാങ്കൂട്ടത്തില് തികഞ്ഞ രാഷ്ട്രീയ മാലിന്യമാണെന്ന് നേരത്തേ ഹണി പോസ്റ്റ് ഇട്ടിരുന്നു. ഇത് തുറന്നുകാട്ടിത്തന്നത് യൂത്ത് കോണ്ഗ്രസ് നേതാക്കള് തന്നെയാണെന്നുമായിരുന്നു ഹണി ഭാസ്കരന് പറഞ്ഞത്. ഇതിന് പിന്നാലെയാണ് ഹണി ഭാസ്കരന് നേരെ സൈബര് ആക്രമണം നടത്തിയത്. തുടര്ന്ന് രാഹുല് മാങ്കൂട്ടത്തിലിനെതിരെ പ്രതികരണവുമായി നേതാക്കള് രംഗത്തെത്തി. ആരോപണത്തെ തുടര്ന്ന് രാഹുല് മാങ്കൂട്ടത്തില് യൂത്ത് കോണ്ഗ്രസ് അധ്യക്ഷ സ്ഥാനം രാജിവെച്ചതിന് പിന്നാലെ കൂടുതല് സ്ത്രീകള് രംഗത്ത് വരികയായിരുന്നു.
