കോട്ടയം: ഹൃദയാഘാതത്തെ തുടര്ന്ന് കേരള കോണ്ഗ്രസ് ജോസഫ് വിഭാഗം നേതാവ് പ്രിന്സ് ലൂക്കോസ് അന്തരിച്ചു. 53 വയസായിരുന്നു. മൃതദേഹം ഇന്ന് രാവിലെ എട്ടരയോടെ കോട്ടയം തെള്ളകത്തെ കാരിത്താസ് ആശുപത്രിയില് എത്തിക്കും.
കുടുംബത്തോടൊപ്പം വേളാങ്കണ്ണിയില് പോയി മടങ്ങിവരുന്നതിനിടെ പുലര്ച്ചെ 3.30ന് തെങ്കാശിക്ക് സമീത്ത് ട്രെയിനില്വെച്ചാണ് പ്രിന്സ് ലൂക്കോസിന് ഹൃദയാഘാതം അനുഭവപ്പെട്ടത്. ഉടന് തന്നെ തെങ്കാശിയിലെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
കോട്ടയം പെരുമ്പായിക്കാട് സ്വദേശിയാണ് പ്രിന്സ് ലൂക്കോസ്. കേരള കോണ്ഗ്രസ് ജോസഫ് വിഭാഗം ഉന്നതാധികാര സമിതി അംഗമാണ്. കഴിഞ്ഞ നിയമസഭാ തെരഞ്ഞെടുപ്പില് ഏറ്റുമാനൂരില് യുഡിഎഫ് സ്ഥാനാര്ത്ഥിയായി മത്സരിച്ചിരുന്നു. യൂത്ത് ഫ്രണ്ട്, കെഎസ്സി സംസ്ഥാന അധ്യക്ഷ പദവി വഹിച്ചിട്ടുണ്ട്. കേരള കോണ്ഗ്രസ് സ്ഥാപക നേതാക്കളില് ഒരാളായ ഒ വി ലൂക്കോസിന്റെ മകനാണ് പ്രിന്സ്.
