കോഴിക്കോട്: എല്ല മന്ത്രിമാര്ക്കും എംഎല്എമാര്ക്കും ഭാര്യക്ക് പുറമേ വൈഫ് ഇന്ചാര്ജ്ജ് ഉണ്ടാകുമെന്ന് വിവാദ പ്രസ്താവന നടത്തി സമസ്ത ഇ കെ വിഭാഗം നേതാവ് ഡോ. ബഹാവുദ്ദീന് നദ്വി. ഇവരൊക്കെ ബഹുഭാര്യത്വത്തെ എതിര്ത്ത് സമൂഹത്തില് മാന്യന്മാരായി നടക്കുകയാണെന്നും പറഞ്ഞു. കോഴിക്കോട് മടവൂരില് നടന്ന സുന്നി മഹല്ല് ഫെഡറേഷന് സമ്മേളനത്തില് സംസാരിക്കുമ്പോഴാണ് പറഞ്ഞത്.
പല മന്ത്രിമാര്ക്കും എംപിമാര്ക്കും എംഎല്എമാര്ക്കും ഒരു ഭാര്യയുമായിരിക്കും ഉണ്ടാവുക. എന്നാല് വൈഫ് ഇന്ചാര്ജ്ജുകളായി വേറെ ആളുണ്ടാകും. ഇങ്ങനെ ഇല്ലാത്തവര് കൈ ഉയര്ത്താന് പറഞ്ഞാല് ആരും ഉണ്ടാവില്ലെന്നും ബഹാവുദ്ദീന് നദ്വി കൂട്ടിച്ചേര്ത്തു. കേരള മുന് മുഖ്യമന്ത്രിയായിരുന്ന ഇഎംഎസ് നമ്പൂതിരിപ്പാടിന്റെ അമ്മ 11 വയസ്സിലാണ് വിവാഹം ചെയ്തതെന്നും അദ്ദേഹം പറഞ്ഞു.
ബഹാഉദ്ദീന് നദ്വിക്ക് പ്രത്യേക കൃമികടിയാണെന്ന് സിപിഐഎം തിരൂരങ്ങാടി ഏരിയ കമ്മിറ്റി അംഗം സി. ഇബ്രാഹിംകുട്ടി പറഞ്ഞിരുന്നു. ബഹാഉദ്ദീന് നദ്വി മുസ്ലിം ലീഗിന്റെ കോളാമ്പിയായി പ്രവര്ത്തിക്കുന്നയാള്. ചുവന്ന കൊടി കണ്ടാല് ഹാലിളകുന്ന ആളാണ് ബഹാഉദ്ദീന് നദ്വി. അദ്ദേഹത്തിന് ഇടക്ക് കമ്മ്യൂണിസ്റ്റ് വിരുദ്ധ പ്രസ്താവനകള് നടത്തിയില്ലെങ്കില് ഉറക്കം വരില്ലെന്നും ഇബ്രാഹിംകുട്ടി പറഞ്ഞു.
