സിംഗപ്പൂര്: രോഗിയെ കാണാന് എത്തിയ പുരുഷ സന്ദര്ശകനെ ആശുപത്രിയില് പീഡിപ്പിച്ചതിന് ഇന്ത്യന് നഴ്സ് സിംഗപ്പൂരില് ജയിലിലായി. സിംഗപ്പൂര് പ്രീമിയം ആശുപത്രിയില് സ്റ്റാഫ് നഴ്സായി ജോലി ചെയ്യുന്ന എലിപ്പെ ശിവ നാഗു എന്ന 34 കാരി ഇന്ത്യന് പൗരന് ലൈംഗിക പീഡനക്കുറ്റം സമ്മതിച്ചതിനെ തുടര്ന്ന് ഒരു വര്ഷവും രണ്ട് മാസവും തടവും രണ്ട് ചൂരല് അടിയും ശിക്ഷ വിധിച്ചു.
കുറ്റകൃത്യത്തിന് തൊട്ടുപിന്നാലെ നഴ്സിംഗ് ജോലിയില് നിന്നും സസ്പെന്റ് ചെയ്തിട്ടുണ്ട്. ജൂണ് 18 ന് ഇര നോര്ത്ത് ബ്രിഡ്ജ് റോഡിലെ ആശുപത്രിയില് തന്റെ മുത്തച്ഛനെ സന്ദര്ശിക്കാന് എത്തിയിരുന്നു യുവാവ്. ഇരയെ 'അണുവിമുക്തമാക്കാന്' ആഗ്രഹിക്കുന്നുവെന്ന് അവകാശപ്പെട്ടായിരുന്നു പീഡനമെന്ന് ദി സ്ട്രെയിറ്റ്സ് ടൈംസ് റിപ്പോര്ട്ട് ചെയ്തു. ജൂണില് റാഫിള്സ് ആശുപത്രിയില് ഒരു പുരുഷ സന്ദര്ശകനെ ലൈംഗികമായി പീഡിപ്പിച്ചതായി 34 കാരിസമ്മതിച്ചു. ഇരയുടെ പ്രായം ഉള്പ്പെടെയുള്ള വിശദാംശങ്ങള് കോടതി രേഖകളില് നിന്ന് നീക്കം ചെയ്തു. വൈകുന്നേരം 7.30 ഓടെയാണ് സംഭവം. ഇര രോഗിയുടെ ടോയ്ലറ്റില് കയറി, എലിപ്പെ നാഗുവും കൂട്ടത്തില് കയറി.
പിന്നീട് ഇരയെ 'അണുവിമുക്തമാക്കാന്' ആഗ്രഹിക്കുന്നതിന്റെ പേരില്, എലിപ്പ് കൈയില് സോപ്പ് പുരട്ടി ലൈംഗികമായി പീഡിപ്പിക്കുകയായിരുന്നു. ഇര ഞെട്ടിപ്പോയതിനാല് അനങ്ങിയില്ലെന്ന് കോടതി കേട്ടു. പീഡനത്തിന് ശേഷം ഇര പിന്നീട് മുത്തച്ഛന്റെ കിടക്കയിലേക്ക് മടങ്ങി. പിന്നീട് എന്താണ് സംഭവിച്ചതെന്ന് കോടതി രേഖകള് വെളിപ്പെടുത്തിയില്ല. കേസ് ജൂണ് 21 ന് റിപ്പോര്ട്ട് ചെയ്യപ്പെട്ടു. രണ്ട് ദിവസത്തിന് ശേഷം എലിപ്പിനെ അറസ്റ്റ് ചെയ്തു. വെള്ളിയാഴ്ച കോടതി എലിപ്പിന് ഒരു വര്ഷവും രണ്ട് മാസവും തടവും രണ്ട് ചൂരലും വിധിച്ചു.
