ഇന്ത്യയില് ദീപാവലി കഴിഞ്ഞെങ്കിലും രാജ്യത്തിന്റെ പല ഭാഗത്തും ഇപ്പോഴും ആഘോഷങ്ങള്ക്ക് അറുതിയായിട്ടില്ല. ഇതുമായി ബന്ധപ്പെട്ട് ഒട്ടനവധി വീഡിയോകളാണ് പുറത്തുവന്നുകൊണ്ടിരിക്കുന്നത്. ഇതില് നിന്നെല്ലാം ഏറെ വ്യത്യസ്തമായ വീഡിയോയാണ് ഇപ്പോള് സോഷ്യല് മീഡിയയില് വൈറലാകുന്നത്. വീഡിയോ എവിടെ നിന്നുള്ളതാണെന്ന് വ്യക്തമല്ല. എന്നാല്, ജീവിതത്തേക്കാള് പ്രധാനമാണോ റീലുകള് എന്ന് ചോദ്യത്തോടെയാണ് ന്യൂസ് ഡിഗ്ഗി എന്ന ഇന്സ്റ്റാഗ്രാം അക്കൗണ്ടില് നിന്നും വീഡിയോ പങ്കുവയ്ക്കപ്പെട്ടത്.
വീഡിയോയില് ഷര്ട്ടിടാതെ ജീന്സ് പാന്റ് ധരിച്ച ഒരു യുവാവിന്റെ തന്റെ ഇരുകൈകളും തലയ്ക്ക് മുകളിലായി ഇരുവശത്തുമുള്ള രണ്ട് മരത്തൂണുകളില് കെട്ടിയിട്ടിരിക്കുന്നു. അയാള് ധരിച്ച ജീന്സ് പാന്റിന്ന് മുകളിലായി അരയ്ക്ക് താഴോട്ട് പാദം വരെ മാലപ്പടക്കം കെട്ടിവച്ചിരിക്കുന്നതും കാണാം. ഇതിനിടെ ഒരാള് വന്ന് കാല്പാദത്തിന് അടുത്തായി തീ കൊളുത്തുന്നു. പിന്നാലെ കുറച്ച് നേരത്തേയ്ക്ക് അവിടെ സ്പീക്കറില് വച്ച പാട്ടിനും മേലെയായി പടക്കം പൊട്ടുന്നതിന്റെ ശബ്ദം മാത്രമേ കേക്കാന് കഴിയൂ. പടക്കം മൊത്തം പൊട്ടിക്കഴിഞ്ഞ ശേഷം ഒരാള് വന്ന് കാലിലെ തീ കെടുത്തിക്കളയുന്നതും വീഡിയോയില് കാണാം.
ഇന്ത്യക്കാര്ക്കിടയില് റീലുകള് നിര്മ്മിക്കാനുള്ള ഭ്രമം വളരെയധികം വളര്ന്നിരിക്കുന്നു, ആ ഒരു പെര്ഫെക്റ്റ് റീലിനായി അവര് ഇപ്പോള് ഏത് അങ്ങേയറ്റത്തെയും, ചലിക്കുന്ന ട്രെയിനുകള്, ഉയരമുള്ള കെട്ടിടങ്ങള്, അതിവേഗ കാറുകള് എന്നിവയിലേക്ക് പോകാന് തയ്യാറാണ്. പ്രശസ്തിക്കായുള്ള ഓട്ടം ജീവിതത്തേക്കാള് പ്രധാനമായി മാറിയിട്ടുണ്ടോയെന്ന കുറിപ്പോടെയാണ് വീഡിയോ പങ്കുവയ്ക്കപ്പെട്ടത്. ഒരു ചെറിയ പാളിച്ചപ്പോലും വലിയ പ്രത്യാഘാതമുണ്ടാക്കിയേനെ എന്നായിരുന്നു നിരവധി പേരെഴുതിയത്. സമൂഹ മാധ്യമങ്ങളില് വൈറലാവാന് വേണ്ടി ഇത്തരം അപകടകരമായ വീഡ!ിയോകള് ചെയ്തതിന് നിരവധി പേരാണ് യുവാവിനെ വിമര്ശിച്ച് രംഗത്തെത്തിയത്.
