എങ്ങനെയെങ്കിലും പത്ത് കാശ് കൂടുതല് ഉണ്ടാക്കണമെന്ന് ചിന്തിക്കുന്നവരാണ് ഭൂരിഭാഗവും. പ്രത്യേകിച്ച് തുച്ഛമായ ശമ്പളത്തില് ജോലി ചെയ്യുന്നവര്. പലരും രണ്ടറ്റം കൂട്ടിമുട്ടിക്കാന് പെടാപാടുപെടുകയാണ്. എന്നാല് സ്വന്തമായി ഒരു ബിസിനസ് തുടങ്ങാമെന്ന് കരുതിയാലോ എന്ത് ബിസിനസ് തുടങ്ങുമെന്ന ആശയകുഴപ്പത്തിലാണ് പലരും. ഏതായാലും അങ്ങനെയുള്ളവര്ക്ക് പ്രചോദനമാണ് ഈ കരിക്ക് വില്പ്പനക്കാരുടെ ദൃശ്യങ്ങള്. നിസാരം ഒരു കരിക്ക് വിറ്റ് ഒരു ദിവസം ഒരു ലക്ഷം രൂപവരെ സമ്പാദിക്കുന്ന ഇവരുടെ വീഡിയോയാണ് സോഷ്യല് മീഡിയയില് ചര്ച്ചയാകുന്നത്.
'കാസിയസ്ക്ലിഡെപെരേര' എന്ന ഇന്സ്റ്റഗ്രാം പേജിലാണ് വീഡിയോ പങ്കുവച്ചിരിക്കുന്നത്. ബികോം പാസായ ഒരാളെക്കാള് വന് വരുമാനം ഒരു കരിക്ക് കടക്കാരന് സമ്പാദിക്കുന്നുണ്ടെന്ന് പറഞ്ഞാണ് വീഡിയോ തുടങ്ങുന്നത്. ആ കടയില് ഒരു ദിവസം ജോലി ചെയ്യാന് യുവാവ് തിരുമാനിക്കുന്നു. എന്തൊക്കെ ജോലികളാണ് യുവാവ് ചെയ്യുന്നതെന്നും വീഡിയോയില് കാണിക്കുന്നുണ്ട്.
'ഞാന് രാവിലെ കടയിലെത്തി അദ്ദേഹം കരിക്ക് വെട്ടുന്നത് നോക്കി. പിന്നാലെ അവിടെ വന്നവര്ക്ക് കരിക്ക് നല്കി. പിന്നെ അവിടെ വൃത്തിയാക്കി ചവറുകള് കളഞ്ഞു. ചൂട് കുറയ്ക്കാന് വെല്ലം കടയ്ക്ക് ചുറ്റും തല്ലിച്ചശേഷം കരിക്ക് വെട്ടാന് ശ്രമിച്ചു. എന്നാല് എനിക്ക് അത് നല്ലപോലെ ചെയ്യാന് കഴിഞ്ഞില്ല. രാവിലെ അഞ്ച് മണിക്ക് തുറക്കുന്ന ഷോപ്പ് അര്ദ്ധരാത്രി വരെ ഉണ്ടായിരിക്കും. ഒരു കരിക്കിന്റെ വില 70 രൂപയാണ്. ഒരു ദിവസം 2000 കരിക്ക് വിറ്റാല് ഒരു ദിവസം 1,42,000 രൂപ കിട്ടും. അപ്പോള് ഒരു മാസം 42 ലക്ഷം ഒരു മാസം ഉണ്ടാക്കാം' യുവാവ് പറഞ്ഞു.
വീഡിയോ വൈറലായതിന് പിന്നാലെ നിരവധി പേരാണ് ലൈക്കും കമന്റുമായി എത്തുന്നത്. ഒരു ദിവസം എങ്ങനെയാണ് 2000 കരിക്ക് വില്ക്കുന്നതെന്നാണ് ആളുകള് ചോദിക്കുന്നത്. ചിലര് കരിക്കുകള് വാങ്ങാന് ആദ്യം എത്ര ചെലവായിയെന്നും ചോദിക്കുന്നു.
