ന്യൂഡല്ഹി: ദേശീയ തൊഴിലുറപ്പ് പദ്ധതിയുടെ പേര് മാറ്റാനുള്ള ബില്ല് ഇന്ന് പാര്ലമെന്റില് അവതരിപ്പിക്കും. ശക്തമായി പ്രതിഷേധിക്കാനൊരുങ്ങുകയാണ് പ്രതിപക്ഷം. പുതിയ പേര് വികസിത ഭാരത് ഗ്യാരണ്ടി ഫോര് റോസ്ഗര് ആന്ഡ് അജീവിക മിഷന്( ഗ്രാമീണ്) എന്നാക്കാനാണ് നീക്കം. ഇതിനെതിരേ പാര്ലമെന്റിന്റെ കവാടത്തിന് മുന്നിലും അകത്തും പ്രതിഷേധിക്കനുള്ള നീക്കത്തിലാണ് കോണ്ഗ്രസ്.
2005ല് അന്നത്തെ യുപിഎ സര്ക്കാര് ആരംഭിച്ച എംജിഎന്ആര്ഇജിഎ പദ്ധതി ഗ്രാമപ്രദേശങ്ങളില് 100 ദിവസത്തെ തൊഴില് ഉറപ്പുനല്കുന്നു, കഴിഞ്ഞ രണ്ട് പതിറ്റാണ്ടുകളായി ഇത് ഒരു പ്രധാന മാറ്റമാണ് വരുത്തിയത്. 100 ദിവസത്തെ ഗ്യാരണ്ടി 125 ആയി ഉയര്ത്താന് പുതിയ ബില് നിര്ദ്ദേശിക്കുന്നു. ജോലി പൂര്ത്തിയായി ഒരു ആഴ്ചയ്ക്കുള്ളിലോ 15 ദിവസത്തിനുള്ളില് പണമടയ്ക്കണമെന്നും ഇത് നിര്ദ്ദേശിക്കുന്നു.
സമയപരിധിക്കുള്ളില് പണമടയ്ക്കല് നടത്തിയില്ലെങ്കില്, തൊഴിലില്ലായ്മ വേതനത്തിനും വ്യവസ്ഥയുണ്ട്. പദ്ധതിക്ക് കീഴിലുള്ള ജോലികളെ ജലസുരക്ഷ, ഗ്രാമീണ അടിസ്ഥാന സൗകര്യങ്ങള്, ഉപജീവന അടിസ്ഥാന സൗകര്യങ്ങള്, ദുരന്ത പ്രതിരോധം എന്നിങ്ങനെ നാല് വിഭാഗങ്ങളായി തിരിക്കുമെന്ന് പുതിയ ബില് നിര്ദ്ദേശിക്കുന്നു. ഗ്രാമീണ മേഖലയിലെ താമസക്കാര് തിരക്കിലായിരിക്കുന്ന പീക്ക് കാര്ഷിക സീസണില് അത്തരം ജോലികള് നടത്തില്ല. സുതാര്യത ഉറപ്പാക്കാന്, ബയോമെട്രിക്സും ജിയോടാഗിംഗും ഉപയോഗിക്കും.
വിവിധ തലങ്ങളില് പരാതി പരിഹാരത്തിനുള്ള വ്യവസ്ഥയുമുണ്ട്. എന്നാല് പദ്ധതിയുടെ പേര് ഗാന്ധിജിയില് നിന്നും മാറ്റാനുള്ള നീക്കമാണ് കോണ്ഗ്രസിനെ ചൊടിപ്പിച്ചിരിക്കുന്നത്. ഈ നീക്കം രാഷ്ട്രപിതാവിനെ അപമാനിക്കുന്നതാണ്. അധികാരത്തില് വന്നത് മുതല് ഗാന്ധിനിന്ദ തുടരുന്ന ബിജെപി സര്ക്കാരിനെ നമ്മള് ഇതനുവദിച്ചാല് അടുത്ത നീക്കം മഹാത്മാഗാന്ധി രാഷ്ട്രപിതാവ് അല്ല എന്ന് പ്രഖ്യാപിക്കല് ആകും. സഭയ്ക്കകത്തും പുറത്തും പ്രതിഷേധമുണ്ടാകുമെന്നും ഷാഫി പറമ്പില് എം.പി. നേരത്തേ വ്യക്തമാക്കി.
രാഷ്ട്രപിതാവിന്റെ ദീപ്തസ്മരണ നിലനിര്ത്താന് വേണ്ടിയാണ്, അദ്ദേഹത്തിന്റെ 'അന്ത്യോദയ' സങ്കല്പത്തിന്റെ സാക്ഷാത് കാരമായ തൊഴിലുറപ്പ് പദ്ധതിക്ക് മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതി എന്ന് യുപിഎ സര്ക്കാര് പേരിട്ടത്.
ഇപ്പോള് പദ്ധതിയില് നിന്നും ഗാന്ധിജിയുടെ പേര് വെട്ടുന്നത് ഗാന്ധിനിന്ദയാണ്. അദ്ദേഹത്തിന്റെ ഓര്മകളോടുള്ള അവഹേളനമാണ്. ബിജെപി സര്ക്കാര് അധികാരത്തില് വന്ന നാള് മുതല് ഗാന്ധിജിയുടെയും നെഹ്റുജിയുടെയും ധീരപൈതൃകത്തോട് കാണിക്കുന്ന അവഹേളനത്തിന്റെ ഏറ്റവും നിന്ദ്യമായ രൂപമാണിത്. ഇത് അംഗീകരിക്കാന് കഴിയില്ല. ശക്തമായി പ്രതിഷേധിക്കുന്നു.
ഈ നീക്കം രാഷ്ട്രപിതാവിനെ അപമാനിക്കുന്നതാണ്. അധികാരത്തില് വന്നത് മുതല് ഗാന്ധിനിന്ദ തുടരുന്ന ബിജെപി സര്ക്കാരിനെ നമ്മള് ഇതനുവദിച്ചാല് അടുത്ത നീക്കം മഹാത്മാഗാന്ധി രാഷ്ട്രപിതാവ് അല്ല എന്ന് പ്രഖ്യാപിക്കല് ആകുമെന്നും കോണ്ഗ്രസ് പറയുന്നു.
