ഇത് ഗാന്ധിനഗര്,
നല്ലവരും സാധാരണക്കാരുമായ അനേകര് താമസിക്കുന്ന ഒരു ഉള്നാടന് ഗ്രാമം. കുഞ്ഞുമുതല് കുഴിയിലേക്ക് കാലുനീട്ടിയിരിക്കുന്ന വന്ദ്യവയോധികര് വരെ ഭയക്കുന്ന ഒരുപേരുണ്ട്. ഈ ഗ്രാമത്തില്... സാക്ഷാല് ഉണ്ണിയാര്ച്ച.
വടക്കന് പാട്ടിലെ കളരിമുറകളറിയുന്ന ഉണ്ണിയാര്ച്ചയല്ല ഈ ഉണ്ണിയാര്ച്ച. വടക്കന് പാട്ടിലെ കളരിമുറകളറിയുന്ന ഉണ്ണിയാര്ച്ചയല്ല ഈ ഉണ്ണിയാര്ച്ച.
അറുപതിലും ആണിന്റെ ആരോഗ്യവും മനസ്സുമായി ഈ ഗ്രാമം അടക്കിഭരിക്കുന്ന 'ഉണ്ണിയാര്ച്ച' എന്ന് വിളിപ്പേരുള്ള ചിന്നമ്മ. സ്വന്തം ഭര്ത്താവു പോലും ചിന്നമ്മയ്ക്കു മുന്നില് ദാസനാവുമ്പോള് നാട്ടുകാര് അവര്ക്കു മുന്നില് വിനീത വിധേയരാകുന്നു.
ഉണ്ണിയാര്ച്ചയുടെ കൈയുടെ ചൂടറിഞ്ഞവര്, ഉറുമിയേക്കാള് മൂര്ച്ചയുള്ള നാക്കിന്റെ മുറിവേറ്റവര് ഗാന്ധിനഗറില് നിരവധിയുണ്ട്. ആഹാരം കഴിക്കാന് മടിക്കുന്ന കുഞ്ഞുങ്ങള് പോലും ഉണ്ണിയാര്ച്ചയുടെ പേരു കേട്ടാല് വയര് നിറയെ കഴിക്കും...
സ്വന്തമായി ഒരു ഗുണ്ടാസംഘത്തെ തന്നെ തീറ്റിപ്പോറ്റി വളര്ത്തുന്നുണ്ട് നമ്മുടെ ഈ ഉണ്ണിയാര്ച്ച. ചീട്ടുകളി കേന്ദ്രവും വാതുവയ്പ് കേന്ദ്രവും പലിശയിടപാടും വീട് വാടകയ്ക്ക് കൊടുക്കലും ഉള്പ്പെടെ വരുമാനമാര്ഗങ്ങള് നിരവധിയുണ്ട് ഉണ്ണിയാര്ച്ചയ്ക്ക്.
കാക്കിയിട്ട പോലീസുകാരനെ നടുറോഡില് തല്ലിയ ചരിത്രവുമുണ്ട് ഇവര്ക്ക്. ഇന്നും കാലം കഴിഞ്ഞിട്ടും പൊടിപ്പും തൊങ്ങലും വച്ച് നാട്ടുകാര് ആ കഥയുടെ നിറം കെടാതെ നിലനിര്ത്തുന്നു.
ഉണ്ണിയാര്ച്ചയ്ക്കു കൂട്ടായി വേറൊരു പെണ്തരികൂടിയുണ്ട് കൂടെ... എന്തിനും പോന്ന ഒരുവള്...
തല്ലാനും കൊല്ലാനും ഗുണ്ടകളും എന്തിനും പോന്ന മനസ്സുമായി തോല്ക്കാന് മനസ്സില്ലാത്ത ഉണ്ണിയാര്ച്ച തന്റെ ജൈത്രയാത്ര തുടങ്ങുകയാണ്.
മീഡിയാ സിറ്റി ഫിലിംസ് ആന്റ് മലബാര് ഫിലിം കമ്പനിയുടെ ബാനറില് നജീബ് ബിന് ഹസ്സനും ഹാരിസ് ബെഡിയും ചേര്ന്നു നിര്മ്മിക്കുന്നു.
