കൊച്ചി: ചരിത്രത്തിലാദ്യമായി ലക്ഷംകടന്ന് സ്വര്ണവില. പവന് 1760 രൂപ കൂടി ഒരു ലക്ഷത്തി ആയിരത്തി അറുന്നൂറ് രൂപയായി. ഗ്രാമിന് 12,700 രൂപയാണ് കൂടിയത്. പണിക്കൂലിയും നികുതിയും ഉള്പ്പെടെ നേരത്തെ തന്നെ സ്വര്ണ വില ഒരു ലക്ഷം കടന്നിരുന്നു.
ഈ മാസത്തിന്റെ തുടക്കത്തില് 95,680 രൂപയായിരുന്നു ഒരു പവന് സ്വര്ണത്തിന്റെ വില. 9ന് 94,920 രൂപയായി ഇടിഞ്ഞ് ഈ മാസത്തെ ഏറ്റവും താഴ്ന്ന നിലവാരത്തില് എത്തിയിരുന്നെങ്കിലും പിന്നീടങ്ങോട് സ്വര്ണവില കുതിക്കുകയായിരുന്നു. ഈ വര്ഷം മാത്രം കൂടിയത് 44, 800 രൂപയാണ്.
ലോകത്തെ ഏറ്റവും വലിയ സ്വര്ണ ഉപഭോക്താക്കളും ടണ് കണക്കിന് സ്വര്ണ്ണം ഇറക്കുമതി ചെയ്യുന്നവര് എന്ന നിലയില് ആഗോള വിപണിയില് സംഭവിക്കുന്ന ചെറിയ ചലനങ്ങള് പോലും അടിസ്ഥാനപരമായി ഇന്ത്യയിലെ സ്വര്ണവിലയില് പ്രതിഫലിക്കും.
