ലോകത്തെ ഏറ്റവും ഭാരമേറിയ മാങ്ങ ലാറ്റിനമേരിക്കന് രാജ്യം കൊളംബിയയിലെ ഗയാട്ടയില് നിന്നുള്ളതാണ്. ഗിന്നസ് വേള്ഡ് റെക്കോര്ഡ് പ്രകാരം 4.25 കിലോഗ്രാം ഭാരമാണ് ഇതിനുള്ളത്. ജര്മന് ഓര്ലാന്ഡോ നോവ ബരേര, റീന മാര്ല മറോക്വിന് എന്നിവരാണ് ഈ മാങ്ങ യാഥാര്ഥ്യമാക്കിയത്. ഇവരുടെ ഉടമസ്ഥതയിലുള്ള സാന് മാര്ട്ടിന് ഫാമിലാണ് ഈ മാങ്ങ പിറന്നത്. ഇതിനു മുന്പ് ഫിലിപ്പൈന്സില് നിന്നുള്ള 3.435 കിലോയുള്ള മാമ്പഴത്തിനായിരുന്നു ഈ റെക്കോര്ഡ്.
സാധാരണ മാങ്ങകള്ക്ക് പരമാവധി 200 ഗ്രാം മുതല് 500 ഗ്രാം വരെ ഭാരമാണ് ഉണ്ടാകാറുള്ളത്. കെയ്റ്റ്, കോഹു അംബ തുടങ്ങിയ മാങ്ങാ വിഭാഗങ്ങള് പരമ്പരാഗതമായി ഭാരമേറിയവയാണ്. ഇന്ത്യയില് നിന്നുള്ള നൂര്ജഹാന് ഇനത്തിലുള്ള മാങ്ങകളും വലിയ ഭാരം വയ്ക്കുന്നവയായി കണക്കാക്കപ്പെടുന്നു. വിലകൂടിയ ഈ മാങ്ങയിനം ഇന്ന് ഇന്ത്യയില് അപൂര്വമായിക്കൊണ്ടിരിക്കുകയാണ്.
