ഭോപ്പാല്: പതിനൊന്നാം ക്ലാസ് വിദ്യാര്ത്ഥിനിയെ ബലാത്സംഗം ചെയ്യുകയും അതിന്റെ വീഡിയോ പകര്ത്തി ബ്ളാക്ക്മെയില് ചെയ്ത് പണം തട്ടിയെടുക്കുകയും വീണ്ടും പീഡനത്തിന് ഇരയാക്കുകയും മതംമാറാന് നിര്ബന്ധിക്കുകയും ചെയ്തെന്ന ആരോപണവും ഉയര്ന്ന കേസില് രണ്ട് പേരെ അറസ്റ്റ് ചെയ്തു. ഭോപ്പാലില് നടന്ന സംഭവത്തില് പ്രായപൂര്ത്തിയാകാത്ത പെണ്കുട്ടിയാണ് ഇരയാക്കപ്പെട്ടത്.
ഷാപുര പ്രദേശത്തെ ഒരു പ്രശസ്തമായ സ്കൂളില് പഠിക്കുന്ന പെണ്കുട്ടിയാണ് ഇര. ഒരു സുഹൃത്ത് വഴി ഔസാഫ് അലി ഖാന് എന്ന വ്യക്തിയുമായി ഇവര് പരിചയത്തിലായി. സൗഹൃദം വളര്ന്നപ്പോള്, ഔസാഫ് അവളോട് തന്നോടൊപ്പം വാഹനമോടിക്കാന് ആവശ്യപ്പെടുകയും ഖാനുഗാവിലെ ആളൊഴിഞ്ഞ പ്രദേശത്തേക്ക് കൊണ്ടുപോകുകയും അവിടെ വെച്ച് കാറിനുള്ളില് വെച്ച് ബലാത്സംഗം ചെയ്യുകയും ചെയ്തു.
വലിയ ആസൂത്രണത്തിലായിരുന്നു ബലാത്സംഗം നടത്തിയത്. ജിം ഉടമയായ ഔസാഫിന്റെ സുഹൃത്ത് മാസ് ഖാന് കാറിന് പുറത്ത് ഒളിച്ചിരുന്ന് ലൈംഗിക ദൃശ്യങ്ങളുടെ വീഡിയോ പകര്ത്തുകയും ചെയ്തു. വീഡിയോ ഉപയോഗിച്ച് കുറ്റവാളികള് വിദ്യാര്ത്ഥിനിയെ ബ്ലാക്ക് മെയില് ചെയ്യുകയും ഒരു ലക്ഷം രൂപ ആവശ്യപ്പെടുകയും അത് നല്കിയില്ലെങ്കില് വീഡിയോ വൈറലാക്കുമെന്ന് ഭീഷണിപ്പെടുത്തുകയും ചെയ്തു.
പെണ്കുട്ടി 40,000 രൂപ നല്കിയെങ്കിലും സംഘം ബ്ളാക്ക്മെയില് തുടരുകയും വീണ്ടും ലൈംഗികമായി പീഡിപ്പിക്കുകയും ചെയ്തു. നാലു കാറുകളില് ആയിട്ടായിരുന്നു പെണ്കുട്ടിയെ പീഡിപ്പിച്ചത്. രണ്ട് സെഡാനുകളും ഒരു മഹീന്ദ്ര താറും ഉള്പ്പെടെ നാല് കാറുകളിലായാണ് പുരുഷന്മാര് അവളെ ആക്രമിച്ചതെന്നും വാഹനങ്ങള് പിടിച്ചെടുത്തിട്ടുണ്ടെന്നും പോലീസ് പറഞ്ഞു.
വിദ്യാര്ത്ഥിനി പുരുഷന്മാരുമായി സംസാരിക്കുന്നത് നിര്ത്തി അവരെ ബ്ലോക്ക് ചെയ്തപ്പോള്, ഔസാഫ് വീഡിയോ തന്റെ സുഹൃത്തുക്കള്ക്ക് അയയ്ക്കുകയും ഇസ്ലാം മതം സ്വീകരിക്കാനും പ്രാര്ത്ഥിക്കാനും സമ്മര്ദ്ദം ചെലുത്താന് തുടങ്ങുകയും ചെയ്തു. ഒടുവില് വിദ്യാര്ത്ഥിനി തന്റെ കുടുംബത്തോട് എന്താണ് സംഭവിച്ചതെന്ന് പറയുകയും ഹിന്ദു സംഘടനകളുടെ പിന്തുണയോടെ കുടുംബം പരാതി നല്കുകയും ചെയ്തു.
രണ്ടുപേരെയും അറസ്റ്റ് ചെയ്തിട്ടുണ്ടെന്നും കേസ് അന്വേഷിക്കാന് ഒരു പ്രത്യേക അന്വേഷണ സംഘത്തെയും നിയോഗിച്ചിരിക്കുകയാണ്. പ്രതികളെ ഭോപ്പാലിലെ കോടതിയില് ഹാജരാക്കിയപ്പോള് ഔസാഫിനെ അഭിഭാഷകര് വളഞ്ഞിട്ടു മര്ദ്ദിച്ചതായും റിപ്പോര്ട്ടുണ്ട്.
