പാട്ന: സ്റ്റേജ് ഷോയ്ക്കിടെ നര്ത്തകിയെ ആള്ക്കൂട്ടത്തിലേക്ക് വലിച്ചെറിഞ്ഞ ഭോജ്പുരി ഗായകന് ധനഞ്ജയ് ശര്മ്മയ്ക്കെതിരെ സാമൂഹ്യമാധ്യമങ്ങളില് പ്രതിഷേധം. സ്റ്റേജ് ഷോ നടന്നുകൊണ്ടിരിക്കേ നര്ത്തകിയെ ഗായകന് സ്റ്റേജിന് താഴെ നിന്ന കാണികള്ക്കിടയിലേക്ക് എടുത്ത് എറിയികുയായിരുന്നു. സംഭവത്തിന്റെ വിഡിയോ വൈറലായതോടെ ഗായകനെതിരെ രൂക്ഷവിര്മശനങ്ങളാണ് ഉയരുന്നത്.
ബിഹാറിലാണ് സംഭവം. എന്നാല് ബിഹാറില് എവിടെയാണെന്നോ എപ്പോഴാണ് സംഭവം നടന്നതെന്നോ വ്യക്തമല്ല. സംഭവം വിവാദമായതോടെ വിഡിയോക്ക് പിന്നിലെ വസ്തുതയെന്തെന്ന് അന്വേഷിക്കാന് സര്ക്കാര് ഉത്തരവിട്ടു. സംഭവത്തില് പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്. പ്രചരിച്ച വിഡിയോ പരിശോധിച്ച് വേണ്ട വിവരങ്ങള് ശേഖരിച്ച് നടപടിയെടുക്കാന് അധികൃതര് ശ്രമമാരംഭിച്ചിട്ടുണ്ട്.
വിഡിയോ വ്യാപകമായി പ്രചരിച്ചതോടെ ഗായകനെതിരെ നിരവി ആള്ക്കാര് രംഗത്ത് എത്തി. ധനഞ്ജയ് വേദിയില് പാട്ടുപാടുന്നതിനിടെ സ്റ്റേജ് ആക്ടില് പങ്കെടുത്ത നര്ത്തകിയെ എടുത്ത് താഴെ കാണികര്ക്ക് നേരെ എറിയുന്നതാണ് ദൃശ്യങ്ങളില് കാണുന്നത്. നര്ത്തകിക്ക് മാനഹാനി വരുത്തുന്നതും സുരക്ഷാ പ്രശ്നമുണ്ടാക്കുന്നതുമായ പ്രവൃത്തിയാണിതെന്നും ഗായകനെതിരെ കര്ശന നടപടി വേണമെന്നും നെറ്റിസണ്സ് അഭിപ്രായപ്പെട്ടു. വലിയ ക്രൂരതയാണ് ഗായകന് കാണിച്ചതെന്നും ക്രിമനല് കുറ്റമാണിതെന്നും പലരും അഭിപ്രായപ്പെട്ടു.
Tf is thiss??? Bhojpuri singer Dhananjay Sharma picked up a dancer from the stage and threw her into the crowd
pic.twitter.com/6g2M27R4Di— Ghar Ke Kalesh (@gharkekalesh) March 15, 2026
