അമ്മ ഗരിമ മല്ഹോത്രയുടെ ചിത്രം പങ്കുവെച്ച് പ്രമുഖ ഫാഷന് ഡിസൈനറും ചലച്ചിത്ര നിര്മ്മാതാവുമായ മനീഷ് മല്ഹോത്ര. കഴിഞ്ഞ വ്യാഴാഴ്ചയായിരുന്നു അദ്ദേഹത്തിന്റെ അമ്മ മരണപ്പെട്ടത്. മരിച്ചുപോയ തന്റെ അമ്മയെ എന്നെന്നേക്കുമായി മിസ് ചെയ്യുന്നുവെന്നാണ് ചിത്രം പങ്കിട്ടുകൊണ്ട് മനീഷ് പറഞ്ഞത്.
‘ലവ് ആന്ഡ് മിസ് യു ഫോര് എവര് ’എന്നാണ് അമ്മയുടെ ചിത്രം പങ്കുവെച്ചുകൊണ്ട് മനീഷ് മല്ഹോത്ര കുറിച്ചത്. ചുവന്ന ഹൃദയത്തിന്റെയും കൂപ്പുകൈകളുടെയും ഇമോജിയും അദ്ദേഹം ചേര്ത്തിട്ടുണ്ട്.
‘ലവ് ആന്ഡ് മിസ് യു ഫോര് എവര് ’എന്നാണ് അമ്മയുടെ ചിത്രം പങ്കുവെച്ചുകൊണ്ട് മനീഷ് മല്ഹോത്ര കുറിച്ചത്. ചുവന്ന ഹൃദയത്തിന്റെയും കൂപ്പുകൈകളുടെയും ഇമോജിയും അദ്ദേഹം ചേര്ത്തിട്ടുണ്ട്.
നിരവധി സെലിബ്രിറ്റികളാണ് മനീഷിനെ ആശ്വസിപ്പിച്ചുകൊണ്ടെത്തുന്നത്. പ്രിയപ്പെട്ട മനീഷ്, നിങ്ങളുടെ നഷ്ടത്തില് ഖേദിക്കുന്നു, അമ്മ എന്ന വികാരത്തിന് പകരം വയ്ക്കാന് ലോകത്തിലെ ഒന്നിനും കഴിയില്ല എന്നാണ് നടന് അനുപം ഖേര് കുറിച്ചത്.
ഈ ദുഷ്കരമായ സമയത്ത് എന്റെ ഹൃദയം നിന്നിലേക്ക് ഒഴുകുന്നു. നിങ്ങളുടെ അമ്മയുടെ സ്നേഹം ഒരിക്കലും മങ്ങുകയില്ല. അവരുടെ ആത്മാവിനെ ദൈവം അനുഗ്രഹിക്കട്ടെ, നേരിടാനുളള ശക്തി നല്കട്ടെ എന്നായിരുന്നു മനീഷ കൊയ്രാളയുടെ വാക്കുകള്.
അതേസമയം വെളളിയാഴ്ച മുംബൈയിലെ സാന്താക്രൂസ് വെസ്റ്റിലുളള ഹിന്ദു ശ്മാശനത്തില് വെച്ചായിരുന്നു ഗരിമ മല്ഹോത്രയുടെ അന്ത്യകര്മ്മങ്ങള് നടന്നത്. കരണ് ജോഹര്, ഊര്മിള മതോണ്ട്കര്, രാകുല് പ്രീത് സിങ്, ജാക്കി ഭഗ്നാനി, വിജയ് വര്മ്മ, ഫാത്തിമ സന ഷെയ്ഖ് എന്നിവരുള്പ്പെടെ നിരവധി ബോളിവുഡ് താരങ്ങളും അന്തിമോപചാരം അര്പ്പിക്കാനെത്തിയിരുന്നു.
ദുഃഖകരമായ വാര്ത്ത പങ്കുവെച്ചുകൊണ്ട്, ഡിസൈനറുടെ ടീം ഒരു ഔദ്യോഗിക പ്രസ്താവന പങ്കിട്ടിരുന്നു, 'മനോഹരമായി ജീവിച്ച ഒരു ജീവിതത്തിന് നന്ദിയോടെ, 94 വയസ്സുള്ള ഞങ്ങളുടെ പ്രിയപ്പെട്ട അമ്മ ശ്രീമതി സുദര്ശന് മല്ഹോത്രയുടെ സമാധാനപരമായ വിയോഗം ഞങ്ങള് പങ്കിടുന്നു.'
'ദീര്ഘവും സംതൃപ്തവുമായ ഒരു യാത്രയുടെ അനുഗ്രഹീതയായ അവര്, പ്രിയപ്പെട്ട ഓര്മ്മകളും, തലമുറകളുടെ സ്നേഹവും, നമ്മെ നയിക്കുന്ന ഒരു പാരമ്പര്യവും അവശേഷിപ്പിക്കുന്നു. 2026 മാര്ച്ച് 20 ന് രാവിലെ 10 മണിക്ക് സംസ്കാര ചടങ്ങ് നടക്കും,' എന്നായിരുന്നു കുറിപ്പില് പറയുന്നത്.
Comments