മലയാളത്തിന്റെ പ്രിയ ഗായകന് വിജയ് യേുദാസിന്റെ 47 ാം ജന്മദിനമാണിന്ന്. സംഗീത ലോകത്തെ സഹപ്രവര്ത്തകരും ആരാധകരും താരത്തിന് ആശംസകള് അറിയിച്ചെത്തുന്നുണ്ട്. ഇപ്പോഴിതാ വിജയ്ക്ക് ആശംസകള് നേര്ന്ന് സുഹൃത്തും ഗായികയുമായ ശ്വേത മോഹന് സോഷ്യല് മീഡിയയില് പങ്കുവെച്ച കുറിപ്പാണ് ശ്രദ്ധനേടുന്നത്
‘എന്റെ പ്രിയപ്പെട്ട സഹോദരനും ലോകത്തിലെ എനിക്ക് ഏറ്റവും പ്രിയപ്പെട്ട ശബ്ദത്തിനും ജന്മദിനാശംസകള്. എന്റെ പ്രിയപ്പെട്ട വിജു ചേട്ടാ, ഈ വര്ഷം താങ്കളുടെ ജീവിതത്തിലെ ഏറ്റവും മികച്ച വര്ഷമാകട്ടെ. ഇനിയും ഒരുപാട് ഡ്യുയറ്റുകള് നമുക്ക് ഒരുമിച്ച് ആലപിക്കാൻ സാധിക്കട്ടെ,’ എന്നാണ് ശ്വേത കുറിച്ചത്. വിജയ് യേശുദാസിനൊപ്പമുളള മനോഹരമായൊരു ചിത്രവും കുറിപ്പിനൊപ്പം ശ്വേത പങ്കുവെച്ചിട്ടുണ്ട്.
രണ്ട് പതിറ്റാണ്ടിലേറെയായി മലയാള സിനിമാ സംഗീത ലോകത്ത് സജീവമായ വിജയ് യേശുദാസ്, മൂന്ന് തവണ മികച്ച ഗായകനുള്ള സംസ്ഥാന പുരസ്കാരം നേടിയിട്ടുണ്ട്. ശ്വേതയും വിജയിയും ചേര്ന്നാലപിച്ച മിക്ക ഗാനങ്ങളും സൂപ്പര്ഹിറ്റാണ് എന്നത് ശ്രദ്ധേയമാണ്.
