ഹിന്ദി ടെലിവിഷന് സീരിയലുകളിലൂടെയാണ് ഉര്ഫി ജാവേദ് പ്രേക്ഷകരുടെ മുന്നിലെത്തിയതെങ്കിലും ശ്രദ്ധിക്കപ്പെട്ടു തുടങ്ങിയത് വസ്ത്രധാരണത്തിന്റെ പേരിലാണ്. ബിഗ്ബോസ് ഒ.ടി.ടി ഒന്നാം സീസണ് മത്സരാര്ത്ഥി കൂടിയായിരുന്ന ഉര്ഫി മറ്റൊരു ഫാഷൻ ഡിസൈനറും ചിന്തിക്കാൻ പോലും സാധ്യതയില്ലാത്ത വസ്ത്രങ്ങൾ ധരിച്ച് സോഷ്യല് മീഡിയയില് പ്രത്യക്ഷപ്പെട്ടു തുടങ്ങിയതോടെയാണ് ഫാഷന് സെന്സേഷനായി മാറിയത്. ഫാഷൻ പരീക്ഷണങ്ങളുടെ കാര്യത്തിൽ ഏറ്റവും മുൻപന്തിയിലാണ് ഉര്ഫി.
ആദ്യകാലത്ത് സ്റ്റൈല് സ്റ്റേറ്റ്മെന്റുകളിലൂടെ ഉര്ഫി ഏറെ വിമര്ശനങ്ങള് ഏറ്റുവാങ്ങിയിട്ടുണ്ട്. എന്നാല് അതൊന്നും മൈന്ഡ് ചെയ്യാതെ വേറിട്ട വസ്ത്രധാരണരീതികൊണ്ട് ഉര്ഫി ഞെട്ടിപ്പിച്ചിട്ടുണ്ട്. ഇങ്ങനെയൊക്കെ സ്റ്റൈല് പരീക്ഷിക്കാമോ എന്ന് ചോദിപ്പിക്കും വിധത്തിലുള്ള ഔട്ട്ഫിറ്റുകള് മുതല് അതിഗംഭീരം എന്ന് പറയിപ്പിക്കുന്ന രൂപത്തില്വരെ താരം എത്തിയിട്ടുണ്ട്.
ഇപ്പോഴിതാ പ്ലാസ്റ്റിക് ബോട്ടിലുകളുടെ അടപ്പുകള് കൊണ്ടൊരു പുത്തന് ഔട്ട്ഫിറ്റ് പങ്കിടുകയാണ് ഉര്ഫി ജാവേദ്. നൂറുകണക്കിന് മൾട്ടി-കളർ പ്ലാസ്റ്റിക് ബോട്ടില് അടപ്പുകള് സൂക്ഷ്മമായി ഉരുക്കിച്ചേര്ത്ത്, സ്ട്രക്ച്ചേര്ഡ് മൊസൈക്ക് മിനി ഡ്രസ്സാണ് ഉര്ഫി ഒരുക്കിയത്. മൊസൈക് മിനി ഡ്രസ്സിനൊപ്പം ബ്ലൂ ബ്ലേസറും ധരിച്ച് തന്റെ ഗ്ലാമര് ലുക്കിനെ സ്റ്റൈലിഷാക്കുകയാണ് താരം.
