ധുരന്ധര്‍ 2 വിനെ പ്രശംസിച്ച് നടന്‍ രജിനികാന്ത്. ഓമരാ ഇന്ത്യക്കാരനും നിര്‍ബന്ധമായും കണ്ടിരിക്കേണ്ട ചിത്രമാണ് ധുരന്ധര്‍ 2 എന്ന് രജനികാന്ത് എക്‌സില്‍ കുറിച്ചു. എന്തൊരു സിനിമയാണ് ധുരന്ധര്‍ 2 , ആദിത്യ ധര്‍, ബോക്‌സ് ഓഫീസ് കാ ബാപ്. രണ്‍വീറിനും മുഴുവന്‍ താരങ്ങള്‍ക്കും അഭിനന്ദനങ്ങള്‍. ഓരോ ഇന്ത്യക്കാരനും നര്‍ബന്ധമായും കണ്ടിരിക്കേണ്ട സിനിമ. ജയ് ഹിന്ദ് എന്നായിരുന്നു രജനികാന്തിന്റെ വാക്കുകള്‍.
ഇതിന് പിന്നാലെ രജനികാന്തിന് നന്ദി പറഞ്ഞുകൊണ്ട് ചിത്രത്തിന്റെ സംവിധായകന്‍ ആദിത്യയും എത്തി. വലിയ സ്വപ്നങ്ങള്‍ കാണാന്‍ പഠിപ്പിച്ച വ്യക്തിയില്‍ നിന്നുള്ള അനുഗ്രഹമായി അത് തോന്നുന്നു. വാക്കുകള്‍ക്കപ്പുറം കടപ്പെട്ടിരിക്കുന്നു സാര്‍ എന്നായിരുന്നു ആദിത്യ മറുപടിയായി കുറിച്ചത്.
സാര്‍ വിനോദത്തെ അളക്കാന്‍ ഒരേയൊരു അളവുകോല്‍ ഉപയോഗിച്ചാണ് ഞങ്ങള്‍ വളര്‍ന്നത്, അത് താങ്കളാണ്. പതിറ്റാണ്ടുകളായി ഞങ്ങളെ വിസിലടിപ്പിച്ചതും ചിരിപ്പിച്ചതും കരയിപ്പിച്ചതും നിങ്ങളായിരുന്നു. അതേ സ്‌റ്റൈലും ഗാംഭീര്യവും ഇന്നും തുടരുന്നതും ശരിക്കും മാജിക്കാണ്.
ധുരന്ധര്‍ 2 തീര്‍ച്ചയായും കണ്ടിരിക്കേണ്ട സിനിമയെന്ന് നിങ്ങള്‍ വിളിക്കുമ്പോള്‍ അതെന്റെ ജീവിതത്തിലെ സൂപ്പര്‍ സ്റ്റാര്‍ നിമിഷമായി തോന്നുന്നു. ഞങ്ങളെയെല്ലാം വലിയ സ്വപ്നങ്ങള്‍ കാണാന്‍ പഠിപ്പിച്ച വ്യക്തിയില്‍ നിന്നുളള അനുഗ്രഹമായി അത് തോന്നുന്നു. വാക്കുകള്‍ക്കപ്പുറം കടപ്പെട്ടിരിക്കുന്നു സാര്‍. ഹൃദയത്തിലേക്കിറങ്ങുന്നതാണ് അങ്ങളുടെ വാക്കുകള്‍, ജയ്ഹിന്ദ് എന്നാണ് ആദിത്യ എക്‌സില്‍ കുറിച്ചത്.
ധുരന്ധര്‍ ആദ്യഭാഗം 1300 കോടിയാണ് ബോക്‌സ് ഓഫീസില്‍ കളക്ട് ചെയ്തത്. 850 കോടിയാണ് ധുരന്ധര്‍ 2 നിലവില്‍ ബോക്‌സ് ഓഫീസില്‍ നിന്ന് കളക്ട് ചെയ്തിരിക്കുന്നത്.
വരും ദിവസങ്ങളില്‍ ചിത്രം 1000 കോടി കടക്കുമെന്നാണ് വിലയിരുത്തലുകള്‍. രണ്‍വീര്‍ സിങ്, ആര്‍ മാധവന്‍, അര്‍ജുന്‍ രാംപാല്‍, സാറ അര്‍ജുന്‍ തുടങ്ങിയവരാണ് ധുരന്ധര്‍ 2 വില്‍ പ്രധാന വേഷങ്ങളിലെത്തിയത്.
Comments