തിരുവനന്തപുരം: റാലിക്ക് ആളെ കൂട്ടാന് കോണ്ഗ്രസ് തൊഴിലാളികളെ നല്കുന്ന ആപ്പില് പരസ്യം നല്കിയെന്ന ആക്ഷേപം തള്ളി കെ. മുരളീധരന്. ഇത് ഇടതുപക്ഷത്തിന്റെ നീചമായ തന്ത്രമാണെവന്നും തെരഞ്ഞെടുപ്പില് വട്ടിയൂര്കാവില് മൂന്നാം സ്ഥാനത്തേക്ക് പോകുന്നത് ഒഴിവാക്കാനുള് ചീപ്പ് കളിയാണെന്ന് കെ. മുരളീധരന് പറയുന്നു. തൊഴിലാളികളെ വിതരണം ചെയ്യുന്ന ഹയരേര് ആപ്പിലാണ് പരസ്യം പ്രത്യക്ഷപ്പെട്ടത്. പിന്നീട് ഈ പരസ്യം എടുത്തുമാറ്റുകയും ചെയ്തതായി റിപ്പോര്ട്ടുകള് പുറത്തു വന്നിരുന്നു.
കോണ്ഗ്രസിന് പരിപാടിക്ക് ആളെ വാടകയ്ക്ക് എടുക്കേണ്ട സാഹചര്യം ഇതുവരെ ഉണ്ടായിട്ടില്ലെന്നും താന് വട്ടിയൂര്കാവില് മുമ്പ് രണ്ടു തവണ ജയിച്ചയാളാണെന്നും ഈ തെരഞ്ഞെടുപ്പില് മൂന്നാം സ്ഥാനത്തായി പോകാന് പോകുന്ന സിപിഐഎമ്മിന്റെയൂം എല്ഡിഎഫ് സ്ഥാനാര്ത്ഥി വി.കെ. പ്രശാന്തിന്റെയും തന്ത്രമാണ്. കോണ്ഗ്രസ് റാലിക്ക് 'വാടകയ്ക്ക്' ആളുകളെ തേടി മൊബൈല് ആപ്പില് 511 രൂപ പ്രതിഫലവും ഭക്ഷണവും വാഗ്ദാനം ചെയ്തുകൊണ്ടുള്ള പരസ്യം പ്രത്യക്ഷപ്പെട്ടിരുന്നു. സംഭവം വിവാദമായതോടെ പിന്വലിക്കുകയും ചെയ്തു.
തിരഞ്ഞെടുപ്പ് പ്രചാരണം കൊഴുപ്പിക്കാന് കോണ്ഗ്രസ് റാലിയിലേക്ക് പണം നല്കി ആളുകളെ എത്തിക്കാന് ശ്രമം നടത്തിയതായിട്ടാണ് ആക്ഷേപം. സംഭവം വിവാദമായതോടെ അധികൃതര് പരസ്യം പിന്വലിച്ചു. തിരുവനന്തപുരം വട്ടിയൂര്ക്കാവില് വൈകുന്നേരം നടക്കുന്ന കോണ്ഗ്രസ് തിരഞ്ഞെടുപ്പ് റാലിയില് പങ്കെടുക്കാന് 20 പേരെയാണ് ആപ്പ് വഴി ആവശ്യപ്പെട്ടത്. വൈകിട്ട് 5 മണി മുതല് രാത്രി 10 മണി വരെ റാലിയില് സജീവമായിരിക്കാന് 511 രൂപയൂം ഭക്ഷണവുമായിരുന്നു വാഗ്ദാനം. റാലി നടക്കുന്ന കൃത്യസ്ഥലം പിന്നീട് അറിയിക്കാമെന്നായിരുന്നു വാഗ്ദാനം.
അവിദഗ്ധ തൊഴിലാളികളെ ലഭ്യമാക്കുന്ന ഈ ആപ്പിന് കേരളത്തിലുടനീളം വാട്സ്ആപ്പ് ഗ്രൂപ്പുകളുണ്ട്. ഞായറാഴ്ച അര്ദ്ധരാത്രിയോടെയാണ് ഗ്രൂപ്പുകളില് ഈ സന്ദേശം എത്തിയത്. എന്നാല് സംഭവം രാഷ്ട്രീയ വിവാദമായതോടെ വിശദീകരണവുമായി ആപ്പ് അഡ്മിന് രംഗത്തെത്തി. അതേസമയം പരസ്യത്തെക്കുറിച്ച് അറിവില്ലെന്നാണ് തിരുവനന്തപുരം ജില്ലയിലെ കോണ്ഗ്രസ് നേതാക്കളുടെ ഔദ്യോഗിക പ്രതികരണം.
