സൂപ്പര്താരങ്ങളുടെ വരെ സിനിമകള് വന് പരാജയമാകുകയും ചെറിയ താരങ്ങള് വിജയ പട്ടികയില് കയറുകയും ചെയ്യുമ്പോള് കഥയും കഥാപാത്രങ്ങളുമാണ് സിനിമയുടെ ശക്തിയെന്നാണ് മലയാള സിനിമയെ കുറിച്ച് പറയാറ്. നവസംവിധായകര് വരാന് തുടങ്ങിയതോടെ വ്യത്യസ്ത പ്ളോട്ടുകളും ട്വിസ്റ്റും ടേണുമെല്ലാം സുപ്രധാനമായി മാറി. എന്തായാലും ഈ രീതി പിന്തുടര്ന്നാല് 100 കഥാപാത്രങ്ങള് വരുന്ന സിനിമ എന്നതാണ് ബിജുമേനോനുമായി ബന്ധപ്പെട്ട പുതിയ വിശേഷം.
തിരക്കഥാകൃത്തും സംവിധായകനുമായ രഞ്ജന് പ്രമോദ് ബിജുമേനോനെ നായകനാക്കി ഒരുക്കുന്ന പുതിയ ചിത്രത്തില് 100 കഥാപാത്രങ്ങളുണ്ട് എന്നതാണ് ഏറ്റവും പുതിയ വാര്ത്ത. രക്ഷാധികാരി എന്ന് പേരിട്ടിരിക്കുന്ന സിനിമ പ്രത്യേകമായി ഒരു കഥ പറയാതെ അനേകം കഥകളിലൂടെ കടന്നു പോകുന്ന വ്യത്യസ്തമായ സിനിമ ആയിരിക്കുമെന്ന് രഞ്ജന് പ്രമോദ് തന്നെ പറയുന്നു. എല്ലാ കഥകളും സിനിമയിലെ പ്രധാന കഥാപാത്രത്തെ അവതരിപ്പിക്കുന്ന രക്ഷാധികാരിയുമായി ബന്ധപ്പെടുന്നു.
ജലവകുപ്പിലെ ഒരു സാധാരണ ഉദ്യോഗസ്ഥനെയാണ് ബിജുമേനോന് അവതരിപ്പിക്കുന്നത്. കഥയുടെ ഗതിയില് ഇയാള് കാട്ടുന്ന ചെറിയ ചെറിയ ഹീറോയിസമാണ് സിനിമയുടെ പ്രത്യേകത. ഒരു ഗ്രാമത്തില് നിന്നും ജോലിക്ക് നഗരത്തിലേക്ക് പോകുകയും തിരികെ വരികയും ചെയ്യുന്നയാളാണ് ബിജുമേനോന്റെ കഥാപാത്രം. മറ്റുള്ളവരെ സഹായിക്കാന് ഇയാള് ഒന്നും ചെയ്യുന്നില്ലെങ്കിലും ചെയ്യുന്ന കാര്യങ്ങള് ഹീറോയിസത്തില് അവസാനിക്കുന്നതാണ് പതിവ്.
ഡാര്വിന്റെ പരിണാമം സിനിമയിലെ നായിക ഹന്നാ റെജിയാണ് സിനിമയിലെ നായിക. ഷൂട്ടിംഗ് പൂര്ത്തിയാക്കിയ സിനിമ ഏപ്രില് മാസം പുറത്തുവരും. സാമൂഹ്യവും രാഷ്ട്രീയവുമായ പല വിഷയങ്ങളും സിനിമ ചര്ച്ച ചെയ്യുന്നുണ്ട്. നാടകീയ മുഹൂര്ത്തങ്ങളോട കോരിത്തരിപ്പിക്കുന്ന ഡയലോഗുകളോ ഇല്ലാതെ പൂര്ണ്ണമായും സ്വാഭാവികമായ നര്മ്മത്തില് പൊതിഞ്ഞാണ് സിനിമ വിടരുന്നതെന്നും ചിരിയും ചിന്തയും ഒപ്പത്തിനൊപ്പം സമ്മാനിക്കുന്ന സിനിമയാണ് ഇതെന്നും പറയുന്നു.
