കുമ്പള: മഞ്ചേശ്വരം നിയമസഭാ മണ്ഡലത്തില് നാമനിര്ദ്ദേശ പത്രിക പിന്വലിച്ച സ്വതന്ത്ര സ്ഥാനാര്ഥിയും പ്രമുഖ പരിസ്ഥിതി വിവരാവകാശ പ്രവര്ത്തകനുമായ കേശവ നായ്ക് ബിജെപിയ്ക്ക് പിന്തുണ പ്രഖ്യാപിച്ചു. ബിജെപി സ്ഥാനാര്ത്ഥിയുടെ വിജയത്തിനായി സജീവമായി രംഗത്തിറങ്ങുമെന്ന് വ്യക്തമാക്കുകയും എന്ഡിഎ സ്ഥാനാര്ത്ഥി കെ. സുരേന്ദ്രന്റെ വിജയം ഉറപ്പാക്കുമെന്നും പറഞ്ഞു.
വെള്ളിയാഴ്ച മുതല് മണ്ഡലത്തില് സുരേന്ദ്രന്റെ പ്രചാരണ പരിപാടികളില് സജീവമാകുമെന്ന് കേശവ നായ്ക് അറിയിച്ചു. കുമ്പളയില് നടത്തിയ വാര്ത്താ സമ്മേളനത്തിലാണ് കേശവ് നായ്ക്ക് ബിജെപിയ്ക്ക് പിന്തുണ പ്രഖ്യാപിച്ചത്. മണ്ഡലത്തില് സ്വതന്ത്ര സ്ഥാനാര്ത്ഥിയായി നാമനിര്ദ്ദേശ പത്രിക സമര്പ്പി ച്ചിരുന്ന അദ്ദേഹം, ബിജെപിക്ക് പിന്തുണ പ്രഖ്യാപിച്ച് പിന്വലിക്കുകയായിരുന്നു. 1994 മുതല് മഞ്ചേശ്വരത്തെ വിവിധ പരിസ്ഥിതി പ്രശ്നങ്ങള് ഉയര്ത്തി ക്കാട്ടി താന് നടത്തിയ പോരാട്ടങ്ങളോട് അധികൃതര് കാണിച്ച അവഗണനയാണ് ഇത്തരമൊരു തീരുമാനത്തിന് പിന്നിലെന്ന് അദ്ദേഹം പറഞ്ഞു.
മാറിമാറി വന്ന സര്ക്കാരുകള്ക്കും ജനപ്രതിനിധികള്ക്കും നിരവധി പരാതികളും നിവേദനങ്ങളും നല്കിയിട്ടും യാതൊരു നടപടിയും ഉണ്ടായില്ല. ജനങ്ങളു ടെയും പ്രകൃതിയുടെയും പ്രശ്നങ്ങള്ക്ക് പരിഹാരം കാണാന് ഒരു 'ബദല് ശക്തി' എന്ന നിലയിലാണ് കെ. സുരേന്ദ്രനെ പിന്തുണയ്ക്കാന് തീരുമാനിച്ചത്. മഞ്ചേശ്വരത്തെ പരിസ്ഥിതി സംരക്ഷണത്തിനും വികസനത്തിനുമായി എന്ഡിഎ മുന്നോട്ട് വെക്കുന്ന കാഴ്ചപ്പാടുകള് ജനങ്ങളിലെത്തിക്കു കയാണ് ലക്ഷ്യ മെന്നും അദ്ദേഹം കൂട്ടിച്ചേര്ത്തു. നിയമസഭാ തിരഞ്ഞെടുപ്പില് മണ്ഡലത്തിലെ രാഷ്ട്രീയ സമവാക്യങ്ങളില് ഈ തീരുമാനം വലിയ സ്വാധീനം ചെലുത്തു മെന്നാണ് കരുതപ്പെടുന്നത്.
