തിരുവനന്തപുരം: തിരുവനന്തപുരത്തെ ബിജെപി സ്ഥാനാര്ത്ഥികളെല്ലാം വമ്പന് വിജയം നേടുമെന്നും രാജീവ് ചന്ദ്രശേഖര് അധ്യക്ഷനായ ശേഷം പാര്ട്ടി കുറച്ചുകൂടി പ്രഫഷനലായെന്നും ഇതുവരെ കടന്നുച്ചെല്ലാന് കഴിയാത്ത പല മേഖലകളിലേക്ക് എത്തിപ്പെടാനായെന്നും തിരുവനന്തപുരം മേയര് വി.വി. രാജേഷ്. കോര്പ്പറേഷന് മേയര്പദവിയും ബിജെപി എംഎല്എ യും വരുമ്പോള് തിരുവനന്തപുരത്ത് വലിയ വികസനമുണ്ടാകും
ഈ തിരഞ്ഞെടുപ്പ് കഴിയുമ്പോള് ഏറ്റവും വലിയ ചര്ച്ച ബിജെപിയുടെ വിജയമാകും. കഴക്കൂട്ടത്ത് ഇപ്പോള് ആ സാഹചര്യം മാറി മുരളീധരന് വിജയം ഉറപ്പാണ്ട്. 2016ല് വി. മുരളീധരന് ഏഴായിരത്തിനകം വോട്ടിനാണ് പരാജയപ്പെട്ടത്. കാട്ടാക്കടയില് പി.കെ. കൃഷ്ണദാസ് ജയിച്ചുകയറും. 2011 മുതല് അദ്ദേഹം മണ്ഡലത്തില് സജീവമായിട്ടുണ്ട്. നേമത്ത് രാജീവ് ചന്ദ്രശേഖറും മികച്ച വിജയം നേടും.
നേമത്ത് പാര്ട്ടി വന് വിജയം നേടും. ചരിത്രത്തിലില്ലാത്ത മാര്ജിനിലായിരിക്കും വി. ശിവന്കുട്ടി തോല്ക്കുക. കെ.എസ്. ശബരീനാഥന് മത്സരിക്കുന്നത് ബിജെപിക്കു വലിയ ഗുണമാണ്. നഗരത്തില് ബിജെപി എംഎല്എമാര് ഉണ്ടായാല് കോര്പറേഷനു കൂടുതല് കാര്യങ്ങള് ചെയ്യാന് പറ്റും. കേന്ദ്ര സര്ക്കാരിന്റെ ഇടപെടല് തിരുവനന്തപുരത്തുണ്ടാകുമെന്നും പറഞ്ഞു.
