ന്യൂഡല്ഹി: എഫ്സിആര്എ യുമായി ബന്ധപ്പെടുത്തി ഒട്ടേറെ തെറ്റിദ്ധാരണകള് കമ്യൂണിസ്റ്റ് കോണ്ഗ്രസ് പാര്ട്ടികള് കേരളത്തില് പരത്തുകയാണെന്ന് കേന്ദ്ര ന്യൂനപക്ഷ കാര്യമന്ത്രി കിരണ് റിജിജു. നിരപരാധികളായ ആളുകയെും ജനക്ഷേമത്തിനായി പ്രവര്ത്തിക്കുന്ന എന്ജിഒകളെയും തെറ്റിദ്ധരിപ്പിക്കുകയാണെന്നും കേരളത്തില് എന്ഡിഎ ശക്തമാകുന്ന സാഹചര്യത്തില് നുണപ്രചരണങ്ങള് അഴിച്ചുവിടുകയാണെന്നും പറഞ്ഞു.
നിയമവിരുദ്ധമായ പ്രവര്ത്തനങ്ങള്ക്ക് വേണ്ടി വരുന്ന നിയമവിരുദ്ധ ഫണ്ടുകളുടെ ഒഴുക്കു തടയുക എന്നതാണ് ഈ നിയമം വ്യവസ്ഥ ചെയ്യുന്നതെന്നും ഇതൊരിക്കലും ന്യൂനപക്ഷങ്ങള്ക്കോ ക്രൈസ്തവസഭയ്ക്കോ എതിരല്ലെന്നും കിരണ് റിജിജു വ്യക്തമാക്കുന്നു. രാജ്യവിരുദ്ധ പ്രവര്ത്തനങ്ങള്ക്കായി വരുന്ന എല്ലാത്തരത്തിലുമുള്ള ഫണ്ട് തടയുകയാണ് ലക്ഷ്യമിടുന്നത്. ഇത് 2010 ല് കോണ്ഗ്രസ് കൊണ്ടുവന്ന നിയമമാണ്. അതിലെ വ്യവസ്ഥകള്് തങ്ങളുടെ കാലത്ത് പരിഷ്ക്കരിച്ചെന്നേയുള്ളെന്നും കേന്ദ്രമന്ത്രി ഇന്സ്റ്റാഗ്രാം പോസ്റ്റില് പറയുന്നു.
കേരളത്തിലേക്ക് വരുന്ന ഫണ്ടുകള് നല്ല കാര്യത്തിനായി ഉപയോഗിക്കപ്പെടണമെന്നും ഇത് ന്യൂനപക്ഷങ്ങള്ക്ക് ഒരു തരത്തിലും എതിരല്ലെന്നും പറഞ്ഞു. ഇന്ത്യയിലെ എല്ലാ ന്യുനപക്ഷ വിഭാഗത്തേയും മോദി നല്ലരീതിയില് പരിഗണിക്കുന്നുണ്ട്. എന്നിരുന്നാലും കോണ്ഗ്രസും കമ്യൂണിസ്റ്റും ചേര്ന്ന് കേരളത്തിലെ ജനങ്ങളെ കബളിപ്പിച്ചുകൊണ്ടിരിക്കുകയാണ്. അവര് നിരപരാധികളെ െതറ്റിദ്ധരിപ്പിക്കുകയാണ്. ഒരു നിരപരാധികളായ വ്യക്തികളെയോ നിയമത്തിന് അനുസൃതമായി പ്രവര്ത്തിക്കുന്ന സംഘടനകളെയോ ഒരു തരത്തിലും നിയമം ലക്ഷ്യമിടുന്നില്ല.
ബിജെപി കോണ്ഗ്രസ് പാര്ട്ടിയെപ്പോലെയല്ല. എല്ലാ ജനങ്ങള്ക്കും വേണ്ടിയാണ് പ്രവര്ത്തിക്കുന്നത്. ഇന്ത്യയിലെ എല്ലാ ന്യൂനപക്ഷ വിഭാഗത്തെയും പ്രധാനമന്ത്രി നരേന്ദ്രമോദി ഒരുപോലെ പരിഗണിക്കുന്നുണ്ട്. ന്യൂനപക്ഷങ്ങളെ കോണ്ഗ്രസ് കാണുന്നത് വോട്ടുബാങ്കായിട്ടാണ്. തങ്ങളെ സംബന്ധിച്ചിടത്തോളം എല്ലാവരും തുല്യരാണ്. കേരളത്തിലെ തെരഞ്ഞെടുപ്പില് എന്ഡിഎ സ്ഥാനാര്ത്ഥികള്ക്ക് വലിയ പിന്തുണയാണ് കിട്ടിക്കൊണ്ടിരിക്കുന്നത്. അതുകൊണ്ടാണ് കോണ്ഗ്രസും കമ്യൂണിസ്റ്റ് പാര്ട്ടികളും പരിഭ്രാന്തരാകുന്നതും നുണപ്രചരണങ്ങള് നടക്കുന്നതും.
കഴിഞ്ഞ 12 വര്ഷമായി നരേന്ദ്രമോദി വിഭാവനം ചെയ്ത പദ്ധതികളൊന്നും കേരളത്തിന് വിജയകരമായി നടപ്പാക്കാന് കഴിഞ്ഞിട്ടില്ല. നല്ല ആളുകളേയും നല്ല സംഘടനകളെയൂം സര്ക്കാര് സംരക്ഷിക്കും. നല്ലരീതിയില് പ്രവര്ത്തിക്കുന്നവര്ക്ക് ഒട്ടും ഭയപ്പെടേണ്ട സാഹചര്യമില്ല. കോണ്ഗ്രസും കമ്യൂണിസ്റ്റും മാറിമാറി എത്രയോ വര്ഷം കേരളം ഭരിച്ചിട്ടുണ്ട്. കേരളത്തിന് ഒരു മികച്ച ഗവണ്മെന്റ് ഉണ്ടാകേണ്ടതുണ്ടെന്നും പറഞ്ഞു.
കേന്ദ്രസര്ക്കാര് രാജ്യത്തെ ഓരോ പൗരനെയും തുല്യരായി കണ്ടാല് എന്താണ് കുഴപ്പമെന്ന് ഷോണ് ജോര്ജും ചോദിച്ചു. അങ്ങിനെ ചെയ്താല് ബിജെപിയ്ക്ക് കുടുതല് സ്വീകര്യതലഭിക്കുമെന്ന് കരുതി അതിനെ എതിര്ക്കേണ്ടതുണ്ടോയെന്നും ചോദിക്കുന്നു.
