ഇടുക്കിയിൽ ഇടതുപക്ഷത്തിന്റെ ഉരുക്കുകോട്ടയായി അറിയപ്പെടുന്ന മണ്ഡലമാണ് ദേവികുളം. തോട്ടം തൊഴിലാളി പ്രസ്ഥാനങ്ങളുടെയും ക്ഷേമ പ്രവർത്തനങ്ങളുടെയും കരുത്തിലാണ് കാലങ്ങളായി ചുവന്നുനിൽക്കുന്നത്.
2021ൽ ആവേശം നിറഞ്ഞ പോരാട്ടം
കഴിഞ്ഞ നിയമസഭാ തിരഞ്ഞെടുപ്പിൽ ശക്തമായ മത്സരത്തിനായിരുന്നു മണ്ഡലം സാക്ഷ്യം വഹിച്ചത്. സിപിഎമ്മിലെ അഡ്വ. എ. രാജയായിരുന്നു ഇടതുകോട്ട കാക്കാനിറങ്ങിയത്. ആദിവാസി-തോട്ടം തൊഴിലാളി മേഖലകളിലെ സജീവ സാന്നിധ്യമായിരുന്ന അദ്ദേഹം 59,049 വോട്ടുകൾ (51.4%) നേടി വിജയിച്ചു. കോൺഗ്രസിന്റെ ഡി. കുമാർ കടുത്ത വെല്ലുവിളി ഉയർത്തിയെങ്കിലും 51,201 വോട്ടുകൾ (44.5%) നേടി രണ്ടാം സ്ഥാനത്തായി.
എൻഡിഎ സ്ഥാനാർത്ഥിയായ ഗണേശൻ എസ്. 4,717 വോട്ടുകൾ നേടി സാന്നിധ്യമറിയിച്ചു.7,848 വോട്ടുകളുടെ ഭൂരിപക്ഷത്തിനാണ് അഡ്വ. എ. രാജ അന്ന് തിരഞ്ഞെടുക്കപ്പെട്ടത്. 2011-ലും 2016-ലും എസ്. രാജേന്ദ്രനിലൂടെ ഇടതുപക്ഷം നേടിയ ഭൂരിപക്ഷത്തേക്കാൾ മികച്ച മുന്നേറ്റം കാഴ്ചവെക്കാൻ 2021-ൽ എൽഡിഎഫിന് സാധിച്ചു.
