പ്രേക്ഷകര്ക്ക് ഏറെ പ്രിയങ്കരിയാണ് ഗായിക സുജാത. മലയാളത്തില് മാത്രമല്ല, തെന്നിന്ത്യന് ഭാഷകളിലും ബോളിവുഡിലുമെല്ലാം സുജാത പാടി ആരാധകരെ കയ്യിലെടുത്തിട്ടുണ്ട്.
സ്റ്റേജ് ഷോകളിലും വളരെസജീവമായിരുന്നു സുജാത. എന്നാല് കഴിഞ്ഞ അഞ്ച് വര്ഷമായി വേദികളില് നിന്നും വിട്ടുനില്ക്കുകയാണ് ഗായിക. ഇതനു പിന്നിലെ കാരണം സുജാത തന്നെ വെളിപ്പെടുത്തുകയാണ്. കഴിഞ്ഞ ദിവസം നടന്ന ഒരു അവാര്ഡ് പരിപാടിയിലാണ് സുജാത മനസ് തുറന്നത്.
കഴിഞ്ഞ അഞ്ച് വര്ഷമായി ഞാന് വേദിയില് ലൈവ് പാടിയിട്ടില്ല. എന്റെ ശബ്ദത്തിന് ചില പ്രശ്നങ്ങളുണ്ടായതിനാലാണ്. പക്ഷേ ഞാന് ജീവിതത്തില് വിട്ടുകൊടുക്കില്ല. കഴിഞ്ഞ രണ്ട് വര്ഷമായി പരിശീലനം തുടരുന്നുണ്ട്. രണ്ടോ മൂന്നോ മണിക്കൂര് അതിനായി ദിവസവും മാറ്റിവയ്ക്കും. ഇനിയും ശക്തമായി പരിശീലനം തുടരണം എന്നാണ് വിചാരിക്കുന്നത്- സുജാതയുടെ വാക്കുകള്.
അഞ്ച് പതിറ്റാണ്ടുകള് നീണ്ടു കിടക്കുന്ന കരിയറില് 20000 ത്തിലധികം പാട്ടുകള് പാടിയിട്ടുണ്ട് സുജാത. മലയാളത്തിന് പുറമെ തമിഴ്, തെലുങ്ക്, ഹിന്ദി, കന്നഡ തുടങ്ങിയ ഭാഷകളിലും പാടിയിട്ടുണ്ട്. മലയാളത്തില് സുജാത ഒടുവിലായി പാടിയത് 2023 ല് പുറത്തിറങ്ങിയ പാപ്പന് ഒളിവിലാണ് എന്ന ചിത്രത്തിന് വേണ്ടിയാണ്.
