മലയാളികള്ക്ക് ഏറെ പ്രിയങ്കരിയായ നടിയാണ് നിത്യ മേനന്. ആകാശഗോപുരം എന്ന മലയാള ചിത്രത്തിലൂടെ ബാലതാരമായി അരങ്ങേറ്റം കുറിച്ച താരം പിന്നീട് തമിഴ്, തെലുങ്ക്, കന്നഡ, മലയാളം, ഹിന്ദി സിനിമകളിലടക്കം പ്രത്യക്ഷപ്പെടുന്ന ഒരു പാൻ ഇന്ത്യന് അഭിനേത്രിയായി മാറി. ചുരുങ്ങിയ കാലം കൊണ്ട് തന്നെ ധാരാളം വിജയ ചിത്രങ്ങളുടെ ഭാഗമായി കഴിഞ്ഞ താരം പക്ഷേ വിജയത്തിന് പിന്നാലെയല്ല പോകുന്നത്. മറിച്ച്, തനിക്ക് ശരിയെന്നു തോന്നുന്നതും തന്റെ അഭിരുചികൾക്ക് ഇണങ്ങിയതുമായ സിനിമകളാണ് ചെയ്യുന്നത്. അതുകൊണ്ടു തന്നെ പ്രേക്ഷകര് മനസ്സില് സൂക്ഷിക്കുന്ന ഒരുപാട് മികച്ച കഥാപാത്രങ്ങള് താരത്തിലൂടെ പ്രേക്ഷകര്ക്ക് മുന്നിലെത്തി.
ഇപ്പോഴിതാ അമ്മയ്ക്ക് ഹൃദയത്തില് നിന്നുള്ള ജന്മദിനാശംസകള് നേരുകയാണ് നിത്യ മേനന്. അമ്മയ്ക്കൊപ്പമുള്ള തന്റെ ത്രോബാക്ക് ചിത്രം പങ്കിട്ടാണ് നിത്യ മേനന് ആശംസ കുറിച്ചിരിക്കുന്നത്. ‘‘ജന്മദിനങ്ങൾ അമ്മമാരെ ആഘോഷിക്കാനുള്ള ദിവസമായിരിക്കണം, ശരിക്കും ... കഠിനാധ്വാനം ചെയ്തതിന്
ഇതാ ഞാനും അമ്മയും, അന്ന് അമ്മയ്ക്ക് 25 വയസ്സും എനിക്ക് കുറച്ച് മാസവും മാത്രവും പ്രായമായിരുന്നു...’’ എന്നാണ് താരം കുറിച്ചിരിക്കുന്നത്. അമ്മ തന്നെ എടുത്തു കൊണ്ട് നില്ക്കുന്ന ചിത്രത്തിനൊപ്പമാണ് നിത്യ മേനന്റെ പോസ്റ്റ്. നിരവധി സഹപ്രവര്ത്തകരും ആരാധകരും പോസ്റ്റിനു താഴെ ആശംസയും സ്നേഹവും കുറിക്കുന്നുണ്ട്.
