റിലയൻസ് ഇൻഡസ്ട്രീസ് ഗ്രൂപ്പ് ഡയറക്ടറും വൻതാര എന്ന മൃഗക്ഷേമ സംരംഭത്തിന്റെ മേധാവിയുമായ അനന്ത് അംബാനി തന്റെ 31-ാം ജന്മദിനത്തിന്റെ നിറവിലാണ്. തന്റെ ജന്മദിനത്തോടനുബന്ധിച്ച് വലിയ ജീവകാരുണ്യ പ്രവർത്തനങ്ങളാണ് ആനന്ദ് പ്രഖ്യാപിച്ചിരിക്കുന്നത്. . മനുഷ്യർക്ക് മാത്രമല്ല, മൃഗങ്ങൾക്കും വിരുന്ന് നൽകിക്കൊണ്ടാണ് ഇത്തവണത്തെ ആഘോഷങ്ങൾ അംബാനി കുടുംബം ശ്രദ്ധേയമാക്കിയത്.
ജന്മദിനത്തോടനുബന്ധിച്ച് കേരളത്തിലെ ക്ഷേത്രങ്ങൾക്കും മൃഗക്ഷേമത്തിനുമായി 18 കോടി രൂപയുടെ വൻ തുക ആനന്ദ് അംബാനി പ്രഖ്യാപിച്ചു. ആനകൾക്കായി ഒരുക്കിയ 3,000 കിലോ പഴവിരുന്നും വാഴപ്പഴം, ആപ്പിൾ, തണ്ണിമത്തൻ, കരിമ്പ്, ശർക്കര, പപ്പായ, ഓറഞ്ച്, പച്ചപ്പുല്ല് എന്നിങ്ങനെ ആനകൾക്ക് പ്രിയപ്പെട്ട ഭക്ഷണങ്ങൾ ധാരാളമായി നൽകിയിരുന്നു.
സെലിബ്രിറ്റികളടക്കം നിരവധി പേര് അനന്തിന് സ്നേഹത്തില് കുതിര്ന്ന ജന്മദിനാശംസകള് സോഷ്യല് മീഡിയയിലൂടെ പങ്കിടുന്നുണ്ട്. ‘നിങ്ങൾ ചെയ്യുന്ന നല്ല കാര്യങ്ങൾ തുടരാനും ജനങ്ങളിൽ പുഞ്ചിരി വിടർത്താനും കഴിയട്ടെ’ എന്നാണ് ഷാരൂഖ് ഇൻസ്റ്റഗ്രാം സ്റ്റോറിയിലൂടെ കുറിച്ചത്.
അക്കൂട്ടത്തില് ഇപ്പോഴിതാ അനന്ത് അംബാനിക്ക് ഹൃദയത്തില് ചാലിച്ച ജന്മദിനാശംസ കുറിച്ച ബോളിവുഡിന്റെ ഭായ് ജാന് സല്മാന് ഖാന്റെ പോസ്റ്റും ശ്രദ്ധ നേടുന്നുണ്ട്. അനന്തിനൊപ്പമുള്ള ഏറ്റവും മനോഹരമായ കുസൃതി നിറഞ്ഞ നിമിഷങ്ങളടങ്ങിയ ചിത്രങ്ങള് പങ്കിട്ടാണ് സല്മാന്റെ പോസ്റ്റ്. തന്റെ ‘അനിയൻ’ എന്ന് വിശേഷിപ്പിച്ചാണ് സൽമാൻ ഖാൻ ചിത്രം പങ്കുവെച്ചത്.
‘‘ശ്രദ്ധയോടെ കേൾക്കുക, നിങ്ങളുടെ ഓർമ്മശക്തി ദുർബലമാണെങ്കിൽ, ഇത് എഴുതി വയ്ക്കുക... ഈ മനുഷ്യൻ മുഴുവൻ രാഷ്ട്രത്തെയും ഉയർത്തും. എന്റെ ഇളയ സഹോദരൻ അനന്ത് നീണാൾ വാഴട്ടെ...ഹൃദയത്തിന്റെയും മനസ്സിന്റെയും അംബാനി - അനന്ത് ആംബാനീ - ഒരു ശുദ്ധമായ ആത്മാവ്...’’ എന്നാണ് സല്മാന് കുറിച്ചത്. മണിക്കൂറുകള്ക്ക് മുമ്പ്, ‘ഏറ്റവും നിസ്വാർത്ഥനും ദയയുള്ളവനും അനേകർക്ക് പ്രചോദനവുമായ അനിയന് ജന്മദിനാശംസകൾ...’ എന്നൊരു പോസ്റ്റും സല്മാന് പങ്കിട്ടിരുന്നു. ജാംനഗറിൽ നടന്ന വിപുലമായ ആഘോഷങ്ങളിൽ ഷാരൂഖ് ഖാൻ, രൺവീർ സിംഗ് തുടങ്ങി നിരവധി പ്രമുഖർ പങ്കെടുത്തിരുന്നു.
