മകളുടെ പേര് വെളിപ്പെടുത്തി ബോളിവുഡ് താരം രണ്ദീപ് ഹൂഡയും ഭാര്യ ലിന് ലൈഷ്റാമും. ന്യോമിക ഹൂഡ എന്നാണ് കുഞ്ഞിന്റെ പേര്. മകള് ജനിച്ച് ഒരുമാസം തികയുന്ന വേളയിലാണ് സോഷ്യല് മീഡിയയിലൂടെ ദമ്പതികള് ഈ സന്തോഷവാര്ത്ത പങ്കുവെച്ചത്.
ദൈവീക കൃപ, സ്വാതന്ത്ര്യം, ആകാശം പോലെ അതിരുകളില്ലാത്തത് എന്നിങ്ങനെയാണ് ന്യോമിക എന്ന പേരിന്റെ അര്ഥം. രണ്ദീപ് ഹൂഡയുടെ സഹോദരി അഞ്ജലി ഹൂഡയാണ് ഈ പേര് നിര്ദേശിച്ചത്.
ഞങ്ങളുടെ ലോകത്തിന്റെ പുതിയ കേന്ദ്രം എന്ന ക്യാപ്ഷനോടെയാണ് ഭാര്യ മകളെ എടുത്തിരിക്കുന്ന ചിത്രം രണ്ദീപ് പങ്കുവെച്ചത്. മകള്ക്ക് പേരിടുക എന്നത് ഞങ്ങളെ സംബന്ധിച്ചിടത്തോളം വളരെ വൈകാരികമായ നിമിഷമായിരുന്നു. ന്യോമിക എന്ന പേര് കേട്ടപ്പോള് തന്നെ അത് അവള്ക്ക് ചേരുന്നതാണെന്ന് ഞങ്ങള്ക്ക് തോന്നി. മാതാപിതാക്കളെന്ന നിലയിലുളള ഈ യാത്രയിലെ ഓരോ നിമിഷവും ഞങ്ങള് ആസ്വദിക്കുകയാണ് ദമ്പതികള് കുറിച്ചു.
മകളുടെ പേര് വിളിക്കുന്ന ഒരു വോയിസ് നോട്ടും ചിത്രത്തിനൊപ്പമുണ്ടായിരുന്നു. ന്യോമിക ഹൂഡ- ദൈവീകകൃപ, സ്വാതന്ത്ര്യം, ആകാശംപോലെ അതിരുകളില്ലാത്തത് എന്നാണ് ചിത്രത്തിന് ക്യാപ്ഷനായി നല്കിയിരിക്കുന്നത്. നിരവധിപ്പേരാണ് പോസ്റ്റിന് താഴെ സ്നേഹം അറിയിച്ചത്തുന്നത്.
2023 നവംബര് 29-ന് മണിപ്പൂരിലെ ഇംഫാലില് വെച്ച് നടന്ന പരമ്പരാഗത മെയ്തേയ് ആചാരപ്രകാരമായിരുന്നു രണ്ദീപിന്റെയും
ലിന് ലൈഷ്റാമിന്റെയും വിവാഹം. തങ്ങളുടെ രണ്ടാം വിവാഹ വാർഷിക വേളയിലായിരുന്നു മാതാപിതാക്കളാകാൻ പോകുന്ന വിവരം ഇവർ ആരാധകരെ അറിയിച്ചത്.2026 മാര്ച്ച് 10നാണ് ഇരുവര്ക്കും മകള് ജനിച്ചത്.
