താന് മദ്യപാനത്തിന് അടിമായിരുന്നുവെന്ന് വെളിപ്പെടുത്തി ഗായിക ജാസ്മിന്. രണ്വീര് അല്ഹബാദിയയ്ക്ക് നല്കിയ അഭിമുഖത്തിലാണ് ജാസ്മിന് മനസ് തുറന്നത്. തന്റെ ജീവിതത്തില് സംഭവിച്ച ചില മോശം കാര്യങ്ങളും അനുഭവങ്ങളും ഗായിക തുറന്നു പറയുന്നുണ്ട്.
‘ഞാന് ഒരുപാട് കഷ്ടത അനുഭവിച്ചിട്ടുണ്ട്. കുട്ടിക്കാലത്ത് പലതും ഒറ്റയ്ക്ക് നേരിടേണ്ടി വന്നു. അത് നല്ലതായിരുന്നില്ല. ജീവിതത്തില് പലതും സംഭവിക്കും. മാതാപിതാക്കളെപ്പോലെ തന്നെ കുട്ടികളെയും അവ ബാധിക്കും. നമുക്കും മാര്ഗ്ഗനിര്ദ്ദേശങ്ങള് വേണം. എന്തുകൊണ്ടാണ് മാതാപിതാക്കള് മക്കളോട് പരുക്കനായി പെരുമാറുന്നത്? 23 വയസ് മുതല് മദ്യപാനത്തിന് അടിമപ്പെട്ടിരുന്നു. ജീവിതത്തിലെ സാഹചര്യങ്ങളാണ് അതിലേക്ക് എത്തിച്ചത്. ആ രണ്ട്-മൂന്ന് വര്ഷത്തില് ചെയ്ത ചില കാര്യങ്ങളില് എനിക്ക് കുറ്റബോധമുണ്ട്. ആ സമയത്ത് പലതും കുന്നുകൂടി. ഒരു വശത്ത് ഞാന് പ്രശസ്തയാണ്. എന്നാല് കുടുംബത്തിന്റെ താളം തെറ്റി. അച്ഛനെ നഷ്ടമായി. ആ സമയത്ത് അമിതമായി മദ്യപിച്ചു. ഇന്ന് ദു:ഖമുണ്ടെങ്കിലും അന്ന് അത് പ്രധാനമായിരുന്നു’.
കുട്ടിക്കാലത്ത് മാതാപിതാക്കളില് നിന്നും തനിക്ക് വേദനിപ്പിക്കുന്ന അനുഭവങ്ങളുണ്ടായിട്ടുണ്ടെന്നും താരം പറയുന്നു. 'അറിയാതെ തന്നെ അവര് പലവട്ടം എന്റെ ഹൃദയം തകര്ത്തിട്ടുണ്ട്. അതിന്റെ നീരസമുണ്ടായിരുന്നു. എനിക്ക് അവരോട് സ്നേഹമുണ്ട്. പക്ഷെ ഒരു കുട്ടിയുടെ ഹൃദയം തകര്ന്നാല് അത് ഒരിക്കലും പഴയത് പോലാകില്ല. ഓടിച്ചെല്ലാന് ഒരിടമില്ലാതാകുമ്പോള് എല്ലാത്തിലും നമ്മള് വീട് തേടും. ഞാന് ജീവിതകാലം മുഴുവന് ചെയ്തത് അതാണ്. ഞാനൊരു വീട് തേടുകയായിരുന്നു'' ജാസ്മിന് പറയുന്നു.
ജലന്ധറിൽ ജനിച്ച് കാലിഫോർണിയയിൽ വളർന്ന ജാസ്മിൻ, 2008-ൽ പുറത്തിറങ്ങിയ 'മുസ്കാൻ' എന്ന ഗാനത്തിലൂടെയാണ് സംഗീതരംഗത്തേക്ക് എത്തിയത്. 2014-ൽ സൽമാൻ ഖാൻ ചിത്രം 'കിക്ക്' എന്ന ചിത്രത്തിലെ 'യാർ നാ മിലെ' എന്ന ഗാനം ആലപിച്ചതിലൂടെയാണ് ജാസ്മിൻ ശ്രദ്ധിക്കപ്പെട്ടത്. 'ധുരന്ധർ' എന്ന ഹിറ്റ് ചിത്രത്തിലെ 'ജായ്യേ സജനാ' എന്ന ഗാനമാണ് ജാസ്മിന്റെ ഏറ്റവും പുതിയ ഹിറ്റ്.
