അമ്മയുടെ ജന്മദിനത്തില് ഹൃദശസ്പര്ശിയായ കുറിപ്പ് പങ്കിട്ട് ആശംസകള് നേര്ന്ന് ബോളിവുഡ് താരം വിവേക് ഒബ്റോയ്. അമ്മയെ തന്റെ ആദ്യ പ്രേക്ഷക എന്നും തന്റെ എന്നന്നേക്കുമുളള ഹീറോ എന്നുമാണ് താരം വിശേഷിപ്പിച്ചത്. തന്റെ സമൂഹമാധ്യത്തിലൂടെയാണ് അമ്മയോടുളള സ്നേഹവും ആദരവും നടന് പ്രകടിപ്പിച്ചത്.
‘പ്രപഞ്ചം ഒരു ചെറിയ തീപ്പൊരിയില് നിന്നാണ് തുടങ്ങിയത്, എന്നാല് എന്റെ ലോകം ആരംഭിച്ചത് നിങ്ങളില് നിന്നാണ്. എന്റെ എല്ലാ സ്വപ്നങ്ങള്ക്കും ജീവന് നല്കിയ എന്റെ അമ്മയ്ക്ക്, അമ്മയുടെ ജന്മദിനം ആഘോഷിക്കുന്നത്എന്റെ ജീവിതത്തിലെ എല്ലാ നന്മകളുടെയും ഉറവിടം ആഘോഷിക്കുന്നതിന് തുല്യമാണ്. എന്റെ ചുവടുകളിലെ ചൈതന്യവും എന്റെ ഹൃദയത്തിലെ സ്നേഹവും അമ്മയാണ്.
അമ്മേ, ഞാന് അഭിമാനത്തോടെ തലയുയര്ത്തി നില്ക്കുമ്പോഴെല്ലാം, അത് നിങ്ങളുടെ സ്നേഹം എന്ന അടിത്തറയിലാണ് ഞാന് നില്ക്കുന്നത്. സ്വപ്നങ്ങളുടെ ലോകത്തേക്ക് എന്നെ കൊണ്ടുവന്നതും, ആകാശത്തെ തൊടുമ്പോഴും ഭൂമിയില് കാലുറപ്പിച്ചു നില്ക്കാന് എന്നെ പഠിപ്പിച്ചതും അമ്മയാണ്. ഞാന് ജനിച്ചപ്പോള് അമ്മ നല്കിയ ആ പുഞ്ചിരി ഇന്നും എല്ലാ ദിവസവും അമ്മയുടെ മുഖത്ത് ഉണ്ടാകട്ടെ. ഐ ലവ് യു മാ, എന്റെ ആദ്യത്തെ പ്രേക്ഷക, എന്റെ എന്നേക്കുമുള്ള ഹീറോ,’ എന്നാണ് വിവേക് കുറിച്ചത്.
അമ്മയ്ക്കൊപ്പമുളള ചിത്രവും താരം കുറിപ്പിനൊപ്പം പങ്കുവെച്ചിട്ടുണ്ട്. നിരവധിപ്പേരാണ് പോസ്റ്റിനു താഴെ നടന്റെ അമ്മയ്ക്ക് ജന്മദിനാശംസകളുമായി എത്തിയിരിക്കുന്നത്.
അതേസമയം സന്ദീപ് വാംഗയുടെ സംവിധാനത്തില് ഒരുങ്ങുന്ന സ്പിരിറ്റ് എന്ന ചിത്രമാണ് വിവവേക് ഒബ്റോയിയുടെ ഏറ്റവും പുതിയ ചിത്രം. ചിത്രത്തില് പ്രധാന വില്ലന് കഥാപാത്രത്തെയാണ് വിവേക് അവതരിപ്പിക്കുന്നത്.
ഈ വര്ഷത്തിന്റെ തുടക്കത്തില്, വിവേക് ഒബ്റോയിയുടെ കഥാപാത്രത്തിന്റെ പുതിയ ലുക്ക് പുറത്തുവിട്ടിരുന്നു. കറുത്ത വസ്ത്രവും സണ്ഗ്ലാസും ധരിച്ച്, വാളുമായി വളരെ ആത്മവിശ്വാസത്തോടെയും ഗൗരവത്തോടെയും നില്ക്കുന്ന അദ്ദേഹത്തിന്റെ ലുക്ക് ഏറെ ശ്രദ്ധിക്കപ്പെട്ടിരുന്നു. പ്രഭാസും തൃപ്തി ഡിംരിയുമാണ് ചിത്രത്തിലെ മറ്റ് പ്രധാന താരങ്ങള്. 2027 മാര്ച്ച് 5-ന് എട്ട് ഭാഷകളിലായി ചിത്രം റിലീസ് ചെയ്യും.
