ബാലതാരമായി അഭിനയ ലോകത്ത് എത്തിയ താരമാണ് ഗോപിക അനില്. ശിവം എന്ന ചിത്രത്തിലൂടെ വെള്ളിത്തിരയിലെത്തിയ താരം പിന്നീട് ബാലേട്ടന് എന്ന ചിത്രത്തില് മോഹന്ലാലിന്റെ മകളായും അഭിനയിച്ചിരുന്നു. ഡോക്ടര് കൂടിയായ ഗോപികയെ പ്രേക്ഷകര് നായികയായി കണ്ടത് ‘സാന്ത്വനം’ എന്ന പരമ്പരയിലൂടെയാണ്. അതിലെ അഞ്ജലി എന്ന കഥാപാത്രം ഗോപികയ്ക്ക് ഒരുപാട് ആരാധകരെ നേടിക്കൊടുത്തു. നടനും അവതാരകനുമായ ഗോവിന്ദ് പത്മസൂര്യയുടെ ഭാര്യ കൂടിയായ ഗോപിക സോഷ്യല് മീഡിയയിലും നിറഞ്ഞു നില്ക്കുന്ന താരമാണ്.
ചേച്ചിയെ പോലെ തന്നെ ഏതാനും സിനിമകളിലും സീരിയലുകളിലും അഭിനയിച്ച താരമാണ് സഹോദരി കീര്ത്തന അനിലും. ബാലേട്ടൻ, സദാനന്ദന്റെ സമയം, വേഷം തുടങ്ങിയ സിനിമകളില് കീര്ത്തന അഭിനയിച്ചിട്ടുണ്ട്. ഡബ്ബിങ് ആർട്ടിസ്റ്റായും കീർത്തന പ്രവർത്തിച്ചിട്ടുണ്ട്.
ഇപ്പോഴിതാ ഗോപികയ്ക്ക് ഹൃദയത്തില് ചാലിച്ച പിറന്നാള് ആശംസകള് കുറിക്കുകയാണ് അനിയത്തിയായ കീര്ത്തന. തന്റെ സുരക്ഷിത സ്ഥാനമാണെന്നും സഹോദരിയേക്കാളുപരി രണ്ടാമത്തെ അമ്മയാണ് ഗോപികയെന്നും കീര്ത്തന കുറിച്ചു.
‘‘പിറന്നാൾ ആശംസകൾ ചേച്ചി... ഒരു സഹോദരിയേക്കാൾ ഉപരി, എന്റെ രണ്ടാമത്തെ അമ്മ, എന്റെ സുരക്ഷിത സ്ഥലം, എന്റെ സ്നേഹത്തിന്റെ ഏറ്റവും ശുദ്ധമായ രൂപം എന്നിവയായ ഒരാൾക്ക്...
നീ എന്നോടൊപ്പം വളർന്നതല്ല, എന്നെ വളർത്തി, സംരക്ഷിച്ചു, എനിക്കുവേണ്ടി പോരാടി, എന്റെ ബാല്യത്തെ എന്നേക്കും ഞാൻ കൊണ്ടുനടക്കുന്ന ഊഷ്മളതയാൽ നിറച്ചു. നീ എന്നെ ഇത്ര തീവ്രമായി, നിസ്വാർത്ഥമായി സ്നേഹിക്കുന്ന രീതി, എനിക്ക് ഒരിക്കലും വാക്കുകളിൽ പൂർണ്ണമായി വിവരിക്കാൻ കഴിയില്ല. നിങ്ങളുടെ ഇറുകെ കെട്ടിപ്പിടിക്കലുകൾ മുതൽ ഞാൻ ഇപ്പോഴും നിങ്ങളുടെ കുഞ്ഞാണെന്നപോലെ നിങ്ങൾ എന്നെ ചുംബിക്കുന്ന രീതി വരെ... ആ സ്നേഹമാണ് എന്റെ ഏറ്റവും വലിയ അനുഗ്രഹം.
ഇന്ന് ഞാൻ എന്തെങ്കിലും ആയിട്ടുണ്ടെങ്കിൽ അതിന് കാരണം നീയാണ്. എത്ര വലുതായാലും ഞാൻ എപ്പോഴും നിന്റെ കുഞ്ഞായിരിക്കും. നീ അറിയാവുന്നതിലും അധികമായി ഞാൻ നിന്നെ സ്നേഹിക്കുന്നു....’’ എന്നാണ് ചേച്ചിയ്ക്കൊപ്പമുള്ള വീഡിയോയും ചിത്രങ്ങളും പങ്കിട്ട് കീര്ത്തന കുറിച്ചിരിക്കുന്നത്. നിരവധി പേര് പോസ്റ്റിനു താഴെ ഗോപികയ്ക്ക് പിറന്നാളാശംസകള് കുറിക്കുന്നുണ്ട്.
