തമിഴകത്ത് മാത്രമല്ല മലയാളത്തിലും ഒട്ടേറെ ആരാധകരുള്ള നടനാണ് ചിയാൻ വിക്രം. കെന്നഡി ജോൺ വിക്ടർ എന്ന വിക്രത്തിന്റെ സിനിമാ എന്ട്രി അത്ര എളുപ്പമായിരുന്നില്ല. തുടക്ക കാലത്ത് നേരിടേണ്ടി വന്ന പരാജയങ്ങള് മറികടന്ന് പിന്നീട് ഡബ്ബിങ് ആര്ട്ടിസ്റ്റായും സഹനടനായുമൊക്കെ പ്രേക്ഷകരുടെ മനസ്സ് കീഴടക്കാന് തുടങ്ങി. സേതു എന്ന ചിത്രത്തിലൂടെയാണ് വിക്രം എന്ന നായകന് പിറന്നു. ഇന്ന് തമിഴകത്ത് മാത്രമല്ല മലയാളത്തിലും ഒട്ടേറെ ആരാധകര് വിക്രത്തിനുണ്ട്.
സിനിമയില് വിക്രമിന്റെ കഥാപാത്രത്തെ സുഹൃത്തുക്കള് വിളിച്ചിരുന്നത് ചിയാന് എന്നാണ്, സേതുവിന്റെ വിജയത്തിന് ശേഷം കെന്നഡി വിക്രം ചിയാന് വിക്രമായി. കഥാപാത്രത്തിന് വേണ്ടി ഏതറ്റം വരെയുള്ള ഡെഡിക്കേഷനും ചെയ്യുന്ന വിക്രം പല സിനിമകളിലൂടെയും ആരാധകരെ അമ്പരപ്പിച്ചിട്ടുണ്ട്. ഇന്ന് തമിഴകത്തിന്റെ സൂപ്പര്സ്റ്റാറാണ് വിക്രം. സോഷ്യല് മീഡിയയിലും സജീവമായ താരം തന്റെ എല്ലാ വിശേഷങ്ങളും ഫോട്ടോഷൂട്ടുകളും അതിലൂടെ പങ്കിടാറുണ്ട്.
ഇപ്പോഴിതാ ക്യൂട്ട് ചിരിയില് ക്രീം സ്യൂട്ടിലുള്ള പുത്തന് ചിത്രങ്ങള് പങ്കിടുകയാണ് താരം. കോട്ട് സ്യൂട്ടില് തന്റെ സിഗ്നേച്ചര് സ്മൈലില് ആരാധകരുടെ ഹൃദയം കീഴടക്കുകയാണ് താരം. ക്രീം സ്യൂട്ടും പാന്റ്സും വൈറ്റ് ഷര്ട്ടും സണ്ഗ്ലാസും ധരിച്ചുള്ള താരത്തിന്റെ സ്റ്റൈലിഷ് ലുക്ക് സോഷ്യല് മീഡിയയിലൂടെ ആരാധകര് തരംഗമാക്കുകയാണ്. താരത്തിന്റെ ചിരിയെക്കുറിച്ചും സ്റ്റൈലിഷ് ലുക്കിനെക്കുറിച്ചുമുള്ള കമന്റുകളാണ് ചിത്രങ്ങള്ക്ക് താഴെ നിറയുന്നത്. അറുപതാം പിറന്നാള് ഇക്കഴിഞ്ഞ ദിവസമാണ് വിക്രം ആഘോഷിച്ചത്. ഓരോ ദിവസവും ചെറുപ്പമായിക്കൊണ്ടിരിക്കുന്ന താരത്തിന്റെ ലുക്കിനു താഴെ ഫയര് ഇമോജി കൊണ്ട് നിറയ്ക്കുകയാണ് ആരാധകര്. കഴിഞ്ഞ വർഷം പുറത്തിറങ്ങിയ ‘വീര ധീര സൂരൻ’ ആണ് വിക്രം അവസാനമായി അഭിനയിച്ച സിനിമ. ബോദി കെ രാജ്കുമാർ സംവിധാനം ചെയ്യുന്ന ചിത്രമാണ് താരത്തിന്റെ പുതിയ പ്രൊജക്ട്.
