ഫാസിലിന്റെ മഞ്ഞിൽ വിരിഞ്ഞ പൂക്കളിലൂടെ മലയാളചലച്ചിത്രലോകത്തേക്ക് കടന്നുവന്ന അഭിനേത്രിയാണ് പൂർണ്ണിമ ജയറാം. ആദ്യ സിനിമയിലൂടെ തന്നെ മികച്ച നടിക്കുള്ള കേരളസംസ്ഥാന അവാർഡ് താരത്തിന് ലഭിച്ചു. എണ്പതുകളില് തെന്നിന്ത്യയിലെ തിരക്കേറിയ താരമായിരുന്നു പൂര്ണ്ണിമ. അക്കാലത്ത് ശങ്കര്, മമ്മൂട്ടി, ബാലചന്ദ്രമേനോന്, അമോല് പലേക്കര്, മോഹന്ലാല്, ദിലീപ്, ഷാനവാസ്, നെടുമുടി വേണു എന്നീ താരങ്ങളുടെ ജോഡിയായാണ് പൂര്ണ്ണിമ കൂടുതലും അഭിനയിച്ചിട്ടുള്ളത്.
മികച്ച ഒരുപാട് സിനിമകളില് പ്രേക്ഷകര് ഓര്ത്തുവയ്ക്കുന്ന നല്ല കഥാപാത്രങ്ങള് നല്കാന് പൂര്ണ്ണിമയ്ക്ക് കഴിഞ്ഞു. നടന് ഭാഗ്യരാജുമായിട്ടുള്ള വിവാഹത്തോടെയാണ് പൂര്ണിമയുടെ പേരിനൊപ്പം ഭാഗ്യരാജ് ചേര്ന്നത്. അക്കാലത്ത് തെന്നിന്ത്യയില് തിളങ്ങി നിന്നിരുന്ന മിക്ക അഭിനേത്രികളുമായും പൂര്ണ്ണിമയ്ക്ക് വലിയൊരു സൗഹൃദമുണ്ട്. ഇവരുടെ കൂടിച്ചേരലുകളും സൗഹൃദസദസ്സുകളുമൊക്കെ സോഷ്യല് മീഡിയയിലൂടെ ആരാധകര് ഏറ്റെടുക്കാറുണ്ട്.
ഇപ്പോഴിതാ പൂര്ണ്ണിമയുടെ സുഹൃത്തും അഭിനേത്രിയും തിരക്കഥാകൃത്തും പെയിന്റിംഗ് ആര്ട്ടിസ്റ്റുമൊക്കെയായ സുഹാസിനി മണിരത്നം വരച്ച ഒരു പെയിന്റിംഗ് പങ്കിടുകയാണ് പൂര്ണ്ണിമ. പൂര്ണ്ണിമയുടെ ഒരു പഴയകാല ചിത്രമാണ് ഡിജിറ്റല് ആര്ട്ടിലൂടെ സുഹാസിനി വരച്ചിരിക്കുന്നത്.
‘‘എന്റെ പ്രിയ സുഹൃത്ത് സുഹാസിനി മണിരത്നം എന്നെ വരച്ച രീതി കാണാതിരിക്കാൻ കഴിയില്ല. നിന്നെ വളരെ സ്നേഹിക്കുന്നു ഹാസിനി... ഈ മനോഹരമായ സമ്മാനത്തിന് എന്റെ ഹൃദയത്തിന്റെ അടിത്തട്ടിൽ നിന്ന് നന്ദി. നിങ്ങളുടെ ഡിജിറ്റൽ ആർട്ട് വളരെ യഥാർത്ഥമാണ്. അത് വിലമതിക്കും...’’ എന്ന കുറിപ്പിനൊപ്പമാണ് പൂര്ണ്ണിമ സുഹാസിനി വരച്ച തന്റെ പെയിന്റിംഗ് പങ്കിട്ടിരിക്കുന്നത്. പല താരങ്ങളുടെയും പെയിന്റിംഗുകള് സുഹാസിനി ഇതിനു മുമ്പും വരച്ചിട്ടുണ്ട്. അതൊക്കെ ആരാധകര് ഏറ്റെടുത്തിട്ടുമുണ്ട്.
