യു എസ് എയില് വെച്ച് നടക്കുന്ന കിലുക്കം 25 എന്ന മ്യൂസിക്കല് ഷോയില് മോഹന്ലാലിനൊപ്പം വേദി പങ്കിടാന് അവസരം കിട്ടിയ സന്തോഷം പങ്കുവെച്ച് ഗായിക ജ്യോത്സന. ഇരുവരും ചേര്ന്ന് വേദിയില് ഒന്നിച്ച് പെര്ഫോം ചെയ്തതിന്റെ ചിത്രങ്ങള് പങ്കുവെച്ചുകൊണ്ടായിരുന്നു ജ്യോത്സനയുടെ പോസ്റ്റ്.
‘ ഇങ്ങനെയുള്ള ചിത്രങ്ങൾ പങ്കുവെക്കാൻ എല്ലാ ദിവസവും അവസരം ലഭിക്കാറില്ല . ആ മനുഷ്യൻ, മലയാളികളുടെ വികാരം; സാക്ഷാൽ ലാലേട്ടനൊപ്പം വേദി പങ്കിടാൻ കഴിഞ്ഞത് വലിയൊരു അംഗീകാരമായി കാണുന്നു . അമേരിക്കയിൽ നടന്ന 'കിലുക്കം 25' തികച്ചും മനോഹരമായ ഒരു അനുഭവമായിരുന്നു. ഈ മനോഹരമായ ഷോട്ടുകള്ക്ക് നന്ദി’ ജ്യോത്സനയുടെ വാക്കുകള്. നിരവധിപ്പേരാണ് പോസ്റ്റിനു താഴെ സ്നേഹം അറിയിച്ചെത്തുന്നത്.
