ജന്മദിനത്തില് തിരുപ്പതി ക്ഷേത്രത്തില് ദര്ശനം നടത്തി നടി തൃഷ കൃഷ്ണന്. നടന് വിജയ് യുടെ രാഷ്ട്രീയ പാര്ട്ടിയായ ടിവികെ പതാകയുടെ ഷാള് ധരിച്ചാണ് തൃഷ ക്ഷേത്രദര്ശനം നടത്തിയത്. ഇതിന്റെ ദൃശ്യങ്ങള് സോഷ്യല് മീഡിയയില് വൈറലാണ്. നടന് നല്കുന്ന പരോക്ഷ പിന്തുണയായാണ് ഇത് വിലയിരുത്തപ്പെടുന്നത്. തമിഴ്നാട്ടില് നിമയസഭാ തെരഞ്ഞെടുപ്പ് ഫലം വരുന്ന ദിവസം എന്ന പ്രത്യേകത കൂടി തൃഷയുടെ പിറന്നാളിനുണ്ട്.
വിജയ് യുടെ രാഷ്ട്രീയ പ്രവേശനത്തിന് പിന്നാലെ തൃഷയും തമിഴ്നാട്ടില് വലിയ ചര്ച്ചാവിഷയമായിരുന്നു. വലിയ രീതിയില് സൈബര് അധിക്ഷേവും നടി നേരിട്ടിരുന്നു. വിജയ് യുമായുളള നടിയുടെ സൗഹൃദമാണ് എതിര് പാര്ട്ടികള് ആയുധമാക്കിയത്. വിജയ് യുടെ ഭാര്യ സംഗീത നല്കിയ വിവാഹമോചന ഹര്ജിയില പരാമര്ശിച്ചിരുന്ന നടി തൃഷയാണ് എന്ന രീതിയിലാണ് പ്രചാരണങ്ങളുണ്ടായത്.
നിയമസഭാ തെരഞ്ഞെടുപ്പില് വോട്ട് രേഖപ്പെടുത്തിയതിന് പിന്നാശല വിരലില് മഷി പുരട്ടിയ ചിത്രം തൃഷ സമൂഹമാധ്യമങ്ങളില് പങ്കുവെച്ചിരുന്നു. എന്നാല് അതും വലില രീതിയില് ചര്ച്ചയായി. വിജയിയും തൃഷയും ഒന്നിച്ചഭിനയിച്ച് 2004 ല് പുറത്തിറങ്ങിയ ഗില്ലി എന്ന ചിത്രത്തിലെ ഗാനത്തിനൊപ്പമാണ് തൃഷ ചിത്രങ്ങള് പങ്കുവെച്ചത്. ചിത്രത്തിലെ അര്ജുനര് വില്ല് എന്ന ഗാനമാണ് തൃഷയുടെ പോസ്റ്റിലുണ്ടായിരുന്നത്. ഇതില് വിസില് ശബ്ദമായിരുന്നു കേള്ക്കാനാവുക. വിജയ് യുടെ രാഷ്ട്രീയ പാര്ട്ടിയായ ടിവികെയുടെ ചിഹ്നം വിസിലാണ്. അതിനാല് തന്നെ അദ്ദേഹത്തിനുളള പരസ്യ പിന്തുണയായാണ് ഇത് വ്യാഖ്യാനിക്കപ്പെട്ടത്.
