തൃപ്പുണ്ണിത്തുറയില് മുപ്പതിനായിരത്തിനടുത്ത് വോട്ടുകള് നേഖാനായതില് അഭിമാനമുണ്ടെന്ന് ട്വന്റി ട്വന്റി സ്ഥാനനാര്ഥിയായിരുന്ന നടി അഞ്ജലി നായര്. തനിക്ക് വോട്ട് നല്കിയ എല്ലാ വോട്ടര്മാര്ക്കും താരം നന്ദിയും അറിയിച്ചു. ‘കേരളത്തില് ആഞ്ഞടിച്ച ഭരണവിരുദ്ധ തരംഗത്തില് മാറ്റത്തിന്റെ ശംഖൊലി മുഴക്കി വിടര്ത്തിയ മൂന്ന് താമരകള് അഭിമാനം നല്കുന്നതാണ്. ഈ അവസരത്തില് തൃപ്പൂണിത്തുറയില് എന് ഡി എ സ്ഥാനാര്ത്ഥി എന്ന നിലയില് മുപ്പതിനായിരത്തിനടുത്ത് വോട്ടുകള് നേടാനായത് എനിക്ക് കൂടുതല് അഭിമാനം തോന്നുന്ന സന്ദര്ഭമാണ്. പ്രബുദ്ധരായ എല്ലാ വോട്ടര്മാര്ക്കും എന്റെ ഹൃദയം നിറഞ്ഞ നന്ദി..ഇതില് നിന്നും ഊര്ജം കണ്ടെത്തി എന്നും എപ്പോഴും ഞാന് നിങ്ങളോടൊപ്പം ഉണ്ടാവും. സ്വന്തം അഞ്ജലി നായര്-നടിയുടെ വാക്കുകള്.
നിയമസഭാ തെരഞ്ഞെടുപ്പിലെ സെലിബ്രിറ്റി സ്ഥാനാര്ത്ഥികളില് ഒരാളായിരുന്നു നടി അഞ്ജലി നായര്. തൃപ്പൂണിത്തുറ മണ്ഡലത്തില് ട്വന്റി ട്വന്റി സ്ഥാനാര്ഥിയായിട്ടായിരുന്നു മത്സരിച്ച അഞ്ജലിക്ക് മൂന്നാം സ്ഥാനം കൊണ്ട് തൃപ്തിപ്പെടേണ്ടി വന്നു. കോണ്ഗ്രസിന്റെ ദീപക് ജോയ് ആണ് തൃപ്പൂണിത്തുറ മണ്ഡലത്തില് വിജയിച്ചത്. 18468 വോട്ടുകളുടെ ഭൂരിപക്ഷത്തിനാണ് കോണ്്ഗ്രസിന്റെ ജയം. ആകെ 70256 വോട്ടുകളാണ് കോണ്ഗ്രസ് നേടി. എല്ഡിഎഫിന്റെ കെ എന് ഉണ്ണികൃഷ്ണന് 51788 വോട്ടുകളും നേടി. അഞ്ജലി നായര്ക്ക് 29471 വോട്ടുകളാണ് നേടാനായത്.
