പാകിസ്ഥാനിലെ കസൂറിലെ ഗന്ധ സിംഗ് ബോര്ഡറിന് സമീപം യാതൊരു സുരക്ഷാ പരിശോധനയുമില്ലാതെ താന് ഇന്ത്യയിലേക്ക് നടന്നു കയറിയെന്ന് അവകാശപ്പെട്ട് പാക് പത്രപ്രവര്ത്തക സന ഖാദിര് പങ്കുവെച്ച വീഡിയോ സോഷ്യല് മീഡിയയില് വിവാദമാകുന്നു. വെറും മുളകളും കയറുകളും മാത്രമാണ് അതിര്ത്തിയിലുള്ളതെന്നും താന് അനായാസം ഇന്ത്യന് മണ്ണില് പ്രവേശിച്ചുവെന്നും വീഡിയോയില് ഇവര് അവകാശപ്പെടുന്നുണ്ട്. പാകിസ്ഥാന് വികസിതമാണെന്നും ഇന്ത്യ അതിര്ത്തിയില് ഇപ്പോഴും നിര്മ്മാണ പ്രവര്ത്തനങ്ങള് നടത്തിക്കൊണ്ടിരിക്കുകയാണെന്നും ഇവര് വീഡിയോയിലൂടെ പരിഹസിച്ചു.
സനയുടെ വീഡിയോ വൈറലായതോടെ ഇന്ത്യന് സോഷ്യല് മീഡിയ ഉപയോക്താക്കള്ക്കിടയില് സുരക്ഷാ സംബന്ധമായ വലിയ ആശങ്കകള് ഉയര്ന്നു. എന്നാല് വീഡിയോയിലെ വാദങ്ങള് പച്ചക്കള്ളമാണെന്ന് ചൂണ്ടിക്കാട്ടി നിരവധി പേര് രംഗത്തെത്തി. ഗൂഗിള് മാപ്പിലെ ദൃശ്യങ്ങള് സഹിതം പരിശോധിച്ചവര്, സന നിന്നിരുന്നത് പാകിസ്ഥാന് പരിധിക്കുള്ളിലാണെന്ന് തെളിയിച്ചു. വീഡിയോയുടെ പശ്ചാത്തലത്തില് കാണുന്ന പാക് അതിര്ത്തി ഗേറ്റ് ഇവര് പാകിസ്ഥാനില് തന്നെയാണെന്നതിന് തെളിവായി പലരും ചൂണ്ടിക്കാട്ടി.
യഥാര്ത്ഥത്തില് അതിര്ത്തി ചെക്ക് പോസ്റ്റിന് സമീപം ഇരുരാജ്യങ്ങളിലെയും സൈന്യത്തിന് സഞ്ചരിക്കാനുള്ള റോഡുകളാണ് അതിര്ത്തിയായി നിശ്ചയിച്ചിരിക്കുന്നത്. ഇന്ത്യയെ അപകീര്ത്തിപ്പെടുത്താനും തെറ്റായ വിവരങ്ങള് പ്രചരിപ്പിക്കാനും പത്രപ്രവര്ത്തക ബോധപൂര്വ്വം ശ്രമിച്ചതാണെന്ന് വിമര്ശനം കടുത്തു. തെറ്റായ വിവരങ്ങള് നല്കി പരിഭ്രാന്തി പരത്തിയ സന ഖാദിറിനെതിരെ സോഷ്യല് മീഡിയയില് പ്രതിഷേധം ശക്തമാണ്.
സനയുടെ വീഡിയോ വൈറലായതോടെ ഇന്ത്യന് സോഷ്യല് മീഡിയ ഉപയോക്താക്കള്ക്കിടയില് സുരക്ഷാ സംബന്ധമായ വലിയ ആശങ്കകള് ഉയര്ന്നു. എന്നാല് വീഡിയോയിലെ വാദങ്ങള് പച്ചക്കള്ളമാണെന്ന് ചൂണ്ടിക്കാട്ടി നിരവധി പേര് രംഗത്തെത്തി. ഗൂഗിള് മാപ്പിലെ ദൃശ്യങ്ങള് സഹിതം പരിശോധിച്ചവര്, സന നിന്നിരുന്നത് പാകിസ്ഥാന് പരിധിക്കുള്ളിലാണെന്ന് തെളിയിച്ചു. വീഡിയോയുടെ പശ്ചാത്തലത്തില് കാണുന്ന പാക് അതിര്ത്തി ഗേറ്റ് ഇവര് പാകിസ്ഥാനില് തന്നെയാണെന്നതിന് തെളിവായി പലരും ചൂണ്ടിക്കാട്ടി.
യഥാര്ത്ഥത്തില് അതിര്ത്തി ചെക്ക് പോസ്റ്റിന് സമീപം ഇരുരാജ്യങ്ങളിലെയും സൈന്യത്തിന് സഞ്ചരിക്കാനുള്ള റോഡുകളാണ് അതിര്ത്തിയായി നിശ്ചയിച്ചിരിക്കുന്നത്. ഇന്ത്യയെ അപകീര്ത്തിപ്പെടുത്താനും തെറ്റായ വിവരങ്ങള് പ്രചരിപ്പിക്കാനും പത്രപ്രവര്ത്തക ബോധപൂര്വ്വം ശ്രമിച്ചതാണെന്ന് വിമര്ശനം കടുത്തു. തെറ്റായ വിവരങ്ങള് നല്കി പരിഭ്രാന്തി പരത്തിയ സന ഖാദിറിനെതിരെ സോഷ്യല് മീഡിയയില് പ്രതിഷേധം ശക്തമാണ്.
Comments