എന്നും എപ്പോഴും തുറന്നു പറച്ചിലുകള്ക്ക് മുന്നില് നില്ക്കുന്ന അഭിനേത്രിയും എം.പിയുമാണ് കങ്കണ റണാവത്ത്. താരത്തിന്റെ തുറന്നു പറച്ചിലുകള് പലപ്പോഴും വിവാദങ്ങളായി മാറിയിട്ടുണ്ട്. വ്യക്തിജീവിതത്തിലെയും കരിയറിലെയും അനുഭവങ്ങള് മാത്രമല്ല സാമൂഹിക വിഷയങ്ങളിലും തന്റെ നിലപാടുകള് തുറന്നു പറഞ്ഞ് കങ്കണ ചര്ച്ചകളിലും സോഷ്യല് മീഡിയയിലും നിറഞ്ഞിട്ടുണ്ട്.
ഇപ്പോഴിതാ 2026 കാന് ഫിലിം ഫെസ്റ്റിവലില് പങ്കെടുത്തതിന് പിന്നാലെ സോഷ്യൽ മീഡിയയിലൂടെ വിമർശനങ്ങൾ നേരിട്ട ഐശ്വര്യ റായിക്ക് പിന്തുണ കുറിക്കുകയാണ് കങ്കണ റണാവത്ത്. താരത്തിന്റെ രൂപഭംഗിയും പ്രായവും വച്ചായിരുന്നു ട്രോളുകള്. ഐശ്വര്യ റായ് ബച്ചന്റെ രൂപത്തെയും വണ്ണത്തെയും ലക്ഷ്യം വച്ചുള്ള ട്രോളുകളെ വിമർശിച്ചാണ് കങ്കണയുടെ ഇന്സ്റ്റഗ്രാം സ്റ്റോറി. ഫാഷൻ വ്യക്തിപരമായ ആവിഷ്കാര രൂപമാണെന്നും സ്ത്രീകൾ പൊതുജനങ്ങളുടെ പ്രതീക്ഷകൾ നിറവേറ്റേണ്ടതില്ലെന്നും കങ്കണ ഊന്നിപ്പറഞ്ഞു.
‘‘ഫാഷനും സ്റ്റൈലും ഒരു ആത്മപ്രകാശനമാണ്...അത് ഒരാളുടെ ജീവിതത്തെയും മനോഭാവത്തെയും കുറിച്ചുള്ള സ്വന്തം വ്യാഖ്യാനമാണ്, ഒരു സ്ത്രീയും ആരോടും ഒന്നിനും കടപ്പെട്ടിരിക്കുന്നില്ല....ആഷ് വളരെ സുന്ദരിയായി കാണപ്പെട്ടു...അവരെ മറ്റേതെങ്കിലും രീതിയിൽ കാണാൻ ആഗ്രഹിക്കുന്നവർ, നിങ്ങൾക്ക് കിട്ടിയത് എന്തുകൊണ്ട് കാണിക്കുന്നില്ല...
നിങ്ങളെ സന്തോഷിപ്പിക്കാനല്ല ആഷ് അവിടെ വന്നത്. അവര് മഹത്വമുള്ളവളാണ്...റെഡ് കാർപെറ്റിൽ പ്രായമായ സ്ത്രീകളെ കാണുന്നത് നിങ്ങള്ക്ക് പരിചിതമല്ലെങ്കിൽ, ഇപ്പോൾ തന്നെ കാണാൻ ശീലിക്കൂ... നന്ദി...’’ എന്നാണ് കങ്കണ റണാവത്ത് ഇന്സ്റ്റഗ്രാം സ്റ്റോറിയില് കുറിച്ചത്.
കാൻ ചലച്ചിത്രമേളയിലെ സ്ഥിരം സാന്നിധ്യമായ ഐശ്വര്യ റായ് ബച്ചൻ ഈ വർഷത്തെ ചലച്ചിത്രമേളയുടെ സമാപന ചടങ്ങിലാണ് പങ്കെടുത്തത്. സ്റ്റൈലിലും ഘടനയിലും പരീക്ഷണം നടത്തി, ഗാംഭീര്യവും സമചിത്തതയും സംയോജിപ്പിച്ച് കാനിലെ റെഡ് കാര്പറ്റിലെത്തിയ ആഷിനെ ‘ഫാറ്റ് ആന്റി’ എന്ന് പറഞ്ഞാണ് ട്രോളന്മാർ ബോഡി ഷെയ്മിംഗ് നടത്തിയത്.
അമിത് അഗർവാൾ ഡിസൈന് ചെയ്ത മെർമെയ്ഡ് ഫിനിഷുള്ള ബ്ലൂ ഗൗണിലാണ് ഐശ്വര്യ റായ് കാൻ റെഡ് കാർപെറ്റിൽ അതിശയിപ്പിക്കുന്ന ഒരു എൻട്രി നടത്തിയത്. ഒപ്പം ഷീര് ദുപ്പട്ടയും ധരിച്ചാണ് താരം തന്റെ ലുക്ക് പൂർത്തിയാക്കിയത്. അതിനു ശേഷം ആഷ് എത്തിയത്, പിങ്ക് ബ്ലഷ് ഗൗണും വെള്ള പാന്റ് സ്യൂട്ടും ധരിച്ചാണ്. മകൾ ആരാധ്യയും ഐശ്വര്യയോടൊപ്പം ഉണ്ടായിരുന്നു. ആഗോളതലത്തിൽ രണ്ട് പതിറ്റാണ്ടിലേറെയായി ആഷ് പ്രതിനിധീകരിച്ച ലോറിയൽ പാരീസ് ബ്രാൻഡിന്റെ അത്താഴവിരുന്നിൽ ചുവന്ന ഗൗണിൽ ആരാധ്യയും അതിസുന്ദരിയായി കാണപ്പെട്ടു.
കരിയറില് മികച്ച തെരഞ്ഞെടുപ്പുകളുമായി ഐശ്വര്യയും കങ്കണയും തിരക്കിലാണ്. ഐശ്വര്യ അവസാനമായി മണിരത്നത്തിന്റെ പൊന്നിയിൻ സെൽവൻ 2 ലാണ് അഭിനയിച്ചത്. കങ്കണ അവസാനമായി അഭിനയിച്ചത് എമർജൻസി എന്ന ചിത്രത്തിലാണ്, അതിൽ മുൻ പ്രധാനമന്ത്രി ഇന്ദിരാഗാന്ധിയെയാണ് താരം അവതരിപ്പിച്ചത്.
ഇപ്പോഴിതാ 2026 കാന് ഫിലിം ഫെസ്റ്റിവലില് പങ്കെടുത്തതിന് പിന്നാലെ സോഷ്യൽ മീഡിയയിലൂടെ വിമർശനങ്ങൾ നേരിട്ട ഐശ്വര്യ റായിക്ക് പിന്തുണ കുറിക്കുകയാണ് കങ്കണ റണാവത്ത്. താരത്തിന്റെ രൂപഭംഗിയും പ്രായവും വച്ചായിരുന്നു ട്രോളുകള്. ഐശ്വര്യ റായ് ബച്ചന്റെ രൂപത്തെയും വണ്ണത്തെയും ലക്ഷ്യം വച്ചുള്ള ട്രോളുകളെ വിമർശിച്ചാണ് കങ്കണയുടെ ഇന്സ്റ്റഗ്രാം സ്റ്റോറി. ഫാഷൻ വ്യക്തിപരമായ ആവിഷ്കാര രൂപമാണെന്നും സ്ത്രീകൾ പൊതുജനങ്ങളുടെ പ്രതീക്ഷകൾ നിറവേറ്റേണ്ടതില്ലെന്നും കങ്കണ ഊന്നിപ്പറഞ്ഞു.
‘‘ഫാഷനും സ്റ്റൈലും ഒരു ആത്മപ്രകാശനമാണ്...അത് ഒരാളുടെ ജീവിതത്തെയും മനോഭാവത്തെയും കുറിച്ചുള്ള സ്വന്തം വ്യാഖ്യാനമാണ്, ഒരു സ്ത്രീയും ആരോടും ഒന്നിനും കടപ്പെട്ടിരിക്കുന്നില്ല....ആഷ് വളരെ സുന്ദരിയായി കാണപ്പെട്ടു...അവരെ മറ്റേതെങ്കിലും രീതിയിൽ കാണാൻ ആഗ്രഹിക്കുന്നവർ, നിങ്ങൾക്ക് കിട്ടിയത് എന്തുകൊണ്ട് കാണിക്കുന്നില്ല...
നിങ്ങളെ സന്തോഷിപ്പിക്കാനല്ല ആഷ് അവിടെ വന്നത്. അവര് മഹത്വമുള്ളവളാണ്...റെഡ് കാർപെറ്റിൽ പ്രായമായ സ്ത്രീകളെ കാണുന്നത് നിങ്ങള്ക്ക് പരിചിതമല്ലെങ്കിൽ, ഇപ്പോൾ തന്നെ കാണാൻ ശീലിക്കൂ... നന്ദി...’’ എന്നാണ് കങ്കണ റണാവത്ത് ഇന്സ്റ്റഗ്രാം സ്റ്റോറിയില് കുറിച്ചത്.
കാൻ ചലച്ചിത്രമേളയിലെ സ്ഥിരം സാന്നിധ്യമായ ഐശ്വര്യ റായ് ബച്ചൻ ഈ വർഷത്തെ ചലച്ചിത്രമേളയുടെ സമാപന ചടങ്ങിലാണ് പങ്കെടുത്തത്. സ്റ്റൈലിലും ഘടനയിലും പരീക്ഷണം നടത്തി, ഗാംഭീര്യവും സമചിത്തതയും സംയോജിപ്പിച്ച് കാനിലെ റെഡ് കാര്പറ്റിലെത്തിയ ആഷിനെ ‘ഫാറ്റ് ആന്റി’ എന്ന് പറഞ്ഞാണ് ട്രോളന്മാർ ബോഡി ഷെയ്മിംഗ് നടത്തിയത്.
അമിത് അഗർവാൾ ഡിസൈന് ചെയ്ത മെർമെയ്ഡ് ഫിനിഷുള്ള ബ്ലൂ ഗൗണിലാണ് ഐശ്വര്യ റായ് കാൻ റെഡ് കാർപെറ്റിൽ അതിശയിപ്പിക്കുന്ന ഒരു എൻട്രി നടത്തിയത്. ഒപ്പം ഷീര് ദുപ്പട്ടയും ധരിച്ചാണ് താരം തന്റെ ലുക്ക് പൂർത്തിയാക്കിയത്. അതിനു ശേഷം ആഷ് എത്തിയത്, പിങ്ക് ബ്ലഷ് ഗൗണും വെള്ള പാന്റ് സ്യൂട്ടും ധരിച്ചാണ്. മകൾ ആരാധ്യയും ഐശ്വര്യയോടൊപ്പം ഉണ്ടായിരുന്നു. ആഗോളതലത്തിൽ രണ്ട് പതിറ്റാണ്ടിലേറെയായി ആഷ് പ്രതിനിധീകരിച്ച ലോറിയൽ പാരീസ് ബ്രാൻഡിന്റെ അത്താഴവിരുന്നിൽ ചുവന്ന ഗൗണിൽ ആരാധ്യയും അതിസുന്ദരിയായി കാണപ്പെട്ടു.
കരിയറില് മികച്ച തെരഞ്ഞെടുപ്പുകളുമായി ഐശ്വര്യയും കങ്കണയും തിരക്കിലാണ്. ഐശ്വര്യ അവസാനമായി മണിരത്നത്തിന്റെ പൊന്നിയിൻ സെൽവൻ 2 ലാണ് അഭിനയിച്ചത്. കങ്കണ അവസാനമായി അഭിനയിച്ചത് എമർജൻസി എന്ന ചിത്രത്തിലാണ്, അതിൽ മുൻ പ്രധാനമന്ത്രി ഇന്ദിരാഗാന്ധിയെയാണ് താരം അവതരിപ്പിച്ചത്.
Comments