തമിഴ്നാട് മുഖ്യമന്ത്രിയുടെ തെരഞ്ഞെടുപ്പ് വിജയത്തില് പ്രതികരിച്ച് ആന്ധ്ര പ്രദേശ് ഉപമുഖ്യമന്ത്രിയും നടനുമായ പവന് കല്യാണ്. തനിക്ക് വിജയ്യോട് അസൂയ തോന്നുന്നുവെന്നാണ് അദ്ദേഹം തമാശ രൂപേണ ഒരു പൊതുപരിപാടിയില് പറഞ്ഞത്. താന് 15 വര്ഷത്തോളം തെരുവില് ഇറങ്ങി കഷ്ടപ്പെട്ടാണ് രാഷ്ട്രീയം കെട്ടിപ്പടുത്തതെന്നും, എന്നാല് വിജയ് യുടെ പാര്ട്ടി കട്ടൗട്ടുകളും ഹോളോഗ്രാമുകളും ഉപയോഗിച്ച് വളരെ എളുപ്പത്തില് വിജയം നേടിയെന്നും പവന് കല്യാണ് പറഞ്ഞു.
"ഈ കഴിഞ്ഞ ദിവസങ്ങളിലെ തമിഴ്നാട് രാഷ്ട്രീയം ഞാൻ നോക്കുകയായിരുന്നു. അവർ അത് എത്ര നിസാരമായാണ് ചെയ്തത്. എനിക്ക് അസൂയ തോന്നി. കട്ടൗട്ടുകളും ഹോളോഗ്രാമുകളും വെച്ച് വിജയ് മുഖ്യമന്ത്രിയായി. ഞാൻ 15 വർഷമായി തെരുവുകളിൽ അലഞ്ഞുനടന്നു, പക്ഷേ... (ചിരിക്കുന്നു). ഞാൻ തമാശ പറഞ്ഞതാണ്".- പവൻ കല്യാൺ പറഞ്ഞു.
"പക്ഷേ നമ്മൾ മാനുഷികമായി ചിന്തിക്കേണ്ടതുണ്ട്. എന്തെങ്കിലും പറയണമെങ്കിൽ നിങ്ങൾക്ക് വളരെയധികം അറിവ് ആവശ്യമാണ്. എന്തിനാണ് ഞാൻ 15 വർഷം ഇത്രയധികം കഷ്ടപ്പെട്ടത് ?.
കാരണം ഒരു പാര്ട്ടി മുന്നോട്ട് കൊണ്ടുപോകണമെങ്കില് ലക്ഷക്കണക്കിന് ആളുകളുടെ പ്രതീക്ഷകള് എന്തൊക്കെയാണെന്ന് മനസിലാക്കേണ്ടതുണ്ട്".- പവന് കല്യാണ് കൂട്ടിച്ചേർത്തു. ആന്ധ്ര പ്രദേശ് രാഷ്ട്രീയത്തിൽ മാറ്റം വരുത്തുമെന്ന വാഗ്ദാനത്തോടെ 2014 ൽ ആണ് പവൻ കല്യാൺ ജന സേന പാർട്ടി ആരംഭിച്ചത്.
