ഒരു പ്രൊഫഷണല് കായികതാരത്തില് നിന്ന് തനിക്ക് ശാരീരിക ബന്ധത്തില് ഏര്പ്പെടുന്നതിനായി 15 മില്യണ് ഡോളറിന്റെ (ഏകദേശം 125 കോടിയിലധികം രൂപ) വമ്പന് ഓഫര് ലഭിച്ചതായി ഒണ്ലിഫാന്സ് ക്രിയേറ്ററായ സോഫി റെയ്ന് അവകാശപ്പെട്ടു. ഒരു പ്രമുഖ എന്.ബി.എ താരം തനിക്ക് ഈ ഓഫര് നല്കിയതായി സോഫി അടുത്തിടെ ഒരു ഇന്സ്റ്റാഗ്രാം വീഡിയോയിലൂടെയാണ് പങ്കുവെച്ചത്.
അഡല്റ്റ് കണ്ടെന്റ് രംഗത്താണ് ജോലി ചെയ്യുന്നതെങ്കിലും താന് ഇപ്പോഴും ഒരു കന്യകയാണെന്ന് പലപ്പോഴും തുറന്നുപറഞ്ഞിട്ടുള്ള റെയ്ന്, ആ ഓഫര് ഉടന് തന്നെ നിരസിച്ചതായി പറഞ്ഞു. ഈ ഓഫര് നല്കിയത് ഒരു ബാസ്ക്കറ്റ്ബോള് കളിക്കാരനാണെന്ന് തന്റെ ഏറ്റവും പുതിയ പ്രതികരണങ്ങളില് അവര് വെളിപ്പെടുത്തിയെങ്കിലും, അയാളുടെ പേരോ മറ്റ് വിവരങ്ങളോ പങ്കുവെക്കാന് തയ്യാറായില്ല.
ആരുടെയും കരിയര് നശിപ്പിക്കാന് താന് ആഗ്രഹിക്കുന്നില്ലെന്നാണ് ഇതിന് കാരണമായി അവര് പറഞ്ഞത്. താന് ഓഫര് നിരസിച്ചതിന് ശേഷം ആ കായികതാരം പിന്നീട് തന്നെ ബന്ധപ്പെട്ടിട്ടില്ലെന്നും റെയ്ന് കൂട്ടിച്ചേര്ത്തു. താന് ഇപ്പോഴും ഒരു കന്യകയാണെന്നും, ഈ തീരുമാനം തന്റെ ക്രിസ്തീയ വിശ്വാസവുമായി ബന്ധപ്പെട്ടിരിക്കുന്നതാണെന്നും സോഫി റെയ്ന് നേരത്തെ പ്രസ്താവിച്ചിരുന്നു.
തനിക്ക് ഇത്രയധികം ജനപ്രീതി നേടാന് കാരണം താന് ഇപ്പോഴും കന്യകമായി തുടരുന്നത് കൊണ്ടാണെന്നും അമിതമായി ലൈംഗികത പ്രദര്ശിപ്പിക്കാതെ തന്നെ ഈ അഡള്ട്ട് ഇന്ഡസ്ട്രിയില് തുടരാനാകും എന്ന് കാണിച്ചുകൊടുക്കാനുമാണ് ഇഷ്ടപ്പെടുന്നതെന്ന് അവര് പറയുന്നു. ''അത്ര ഭ്രാന്തമായ ഉള്ളടക്കങ്ങളൊന്നും പോസ്റ്റ് ചെയ്യാറുമില്ല. ബിക്നി ചിത്രങ്ങളും മറ്റുമൊക്കെയാണ് ഞാന് പങ്കുവെക്കാറുള്ളത്. മറ്റുള്ളവര്ക്ക് ഒരു പ്രചോദനമാകാന് വേണ്ടിയാണ് ഞാന് ഇത് തുറന്നുപറയാന് തീരുമാനിച്ചത്. നിങ്ങള് ഇപ്പോഴും കന്യകയാണെന്നതില് ലജ്ജിക്കേണ്ടതില്ല. നിങ്ങള്ക്ക് ഇപ്പോഴും വിജയവും ആത്മവിശ്വാസവുമുള്ളവരായിരിക്കാം, ഒരേസമയം ഹോട്ട് ആന്ഡ് സെക്സിയും എന്നാല് അതിരുകാക്കാത്തവരും ആയിരിക്കാന് സാധിക്കും.'' ജി.ക്യു മാഗസിന് നല്കിയ അഭിമുഖത്തില് അവര് പറയുന്നു:
2023-ല് തന്റെ അക്കൗണ്ട് ആരംഭിച്ചതുമുതല് ഒണ്ലിഫാന്സിലൂടെ താന് 100 മില്യണ് ഡോളറിലധികം (ഏകദേശം 830 കോടിയിലധികം രൂപ) സമ്പാദിച്ചതായും സോഫി റെയ്ന് അവകാശപ്പെട്ടു.
