കണ്ണൂര് : തിരുവനന്തപുരം : മുന് മുഖ്യമന്ത്രി പിണറായി വിജയന്റെ് വീട്ടില് ഇഡി നടത്തുന്ന റെയ്ഡുകളില് ശക്തമായ പ്രതിഷേധവുമായി എം .കെ. സ്റ്റാലിന് . തന്റെ ഔദ്യോഗിക സോഷ്യൽ മീഡിയ അക്കൗണ്ടിലൂടെയായിരുന്നു സ്റ്റാലിൻ നിലപാട് വ്യക്തമാക്കിയത്.
പ്രതിപക്ഷ നേതാക്കളെ വേട്ടയാടാനും ഒതുക്കാനും കേന്ദ്ര ഏജന്സികളെ ആയുധമാക്കുന്ന പ്രവണത രാജ്യത്ത് വര്ദ്ധിച്ചുവരികയാണെന്നും , ഇത് ജനാധിപത്യപരമായ ഗുരുതരമായ ആശങ്കകള് ഉയര്ത്തുന്നുവെന്നും അദ്ദേഹം വ്യക്തമാക്കി. മുന് മുഖ്യമന്ത്രി സഖാവ് പിണറായി വിജയനെതിരെയുളള ഇഡി റെയ്ഡുകളെ ശക്തമായി അപലപിക്കുന്നുവെന്ന് സ്റ്റാലിന് കുറിച്ചു.
പിണറായി വിജയനെ എന്തുകൊണ്ടാണ് ബിജെപി സർക്കാർ ലക്ഷ്യമിടാത്തത് എന്ന് ആവർത്തിച്ച് ചോദിച്ച ചില കോൺഗ്രസ് നേതാക്കളുടെ ആരോപണങ്ങളുടെ പൊള്ളത്തരമാണ് ഈ റെയ്ഡിലൂടെ ഇപ്പോൾ പുറത്തുവന്നിരിക്കുന്നതെന്നും അദ്ദേഹം കൂട്ടിച്ചേർത്തു.
