സംവിധാനവും ഡബ്ബിംഗും പരസ്യ ചിത്രങ്ങളുമൊക്കെയായി സജീവമാണ് ജിസ് ജോയ്. സൺഡേ ഹോളിഡേ എന്ന ചിത്രത്തിലൂടെയാണ് ജിസ് ജോയ് എന്ന സംവിധായകനെയും കലാകാരനെയും മലയാളി അടുത്തറിയുന്നത്. അല്ലു അര്ജുന് ചിത്രങ്ങള് മലയാളത്തില് ഡബ്ബ് ചെയ്യുമ്പോള് അല്ലുവിന് ശബ്ദം നല്കുന്നത് ജിസ് ജോയ് ആണ്. ബിഗ്സ്ക്രീനിലെ താരങ്ങളെല്ലാമായി അടുത്ത സൗഹൃദം നിലനിര്ത്തുന്നുണ്ട് ജിസ് ജോയ്. അക്കൂട്ടത്തില് ഏറ്റവും മുന്പന്തിയിലാണ് അഭിനേതാവായ ആസിഫ് അലി.
ഒരുപിടി സൂപ്പർ ഹിറ്റ് ചിത്രങ്ങളാണ് ആസിഫ് അലി - ജിസ് ജോയ് കൂട്ടുകെട്ട് മലയാളി പ്രേക്ഷകര്ക്ക് നല്കിയത്. ജിസ് ജോയിയുടെ ആദ്യ ചിത്രമായ ബൈ സൈക്കിൾ തീവ്സ്, പിന്നീടെത്തിയ സൺഡേ ഹോളിഡേ, വിജയ് സൂപ്പറും പൗർണമിയും, ഇന്നലെ വരെ, തലവൻ...എന്നിങ്ങനെ ഇവരുടെ കോമ്പോ ഈയടുത്ത് അനൗണ്സ് ചെയ്ത ചിത്രം വരെയെത്തി നില്ക്കുന്നു. വ്യക്തി ജീവിതത്തിലും ആസിഫും കുടുംബവുമായി വലിയൊരു അടുപ്പം ജിസ് ജോയ്ക്കുണ്ട്.
ഇപ്പോഴിതാ ആസിഫ് അലിയുടെയും സമയുടെയും വിവാഹവാര്ഷികത്തില് ഹൃദയം തുളുമ്പുന്ന ആശംസകള് പങ്കിടുകയാണ് ജിസ് ജോയ്. തനിക്കേറ്റവും പ്രിയപ്പെട്ടവര്ക്ക് വിവാഹവാര്ഷിക ആശംസകളെന്നും എല്ലാ നന്മകളും നേരുന്നുവെന്നുമാണ് ജിസ് ജോസ് സോഷ്യല് മീഡിയയില് കുറിച്ചത്.
‘‘എന്റെ പ്രിയപ്പെട്ടവരേ, വിവാഹ വാർഷിക ആശംസകൾ...ലോകത്തിലെ എല്ലാ നന്മകളും നേരുന്നു....’’ എന്നാണ് ആസിഫിനും സമയ്ക്കുമൊപ്പമുള്ള ചിത്രങ്ങളും ആസിഫിന്റെയും സമയുടെയും റൊമാന്റിക് ചിത്രങ്ങളും പങ്കിട്ട് ജിസ് ജോയ് കുറിച്ചത്. ആസിഫിന്റെയും സമയുടെയും ഇതുവരെ പ്രേക്ഷകര് കണ്ടിട്ടില്ലാത്ത റൊമാന്റിക് ചിത്രങ്ങളാണ് ജിസ് ജോയ് പങ്കിട്ടത്. ഇവര് ഒരുമിച്ചുള്ള അവധിക്കാല യാത്രയില് നിന്നുള്ള ചിത്രങ്ങളാണ് ജിസ് പങ്കിട്ടത്. ആരാധകര് തങ്ങളുടെ പ്രിയ ആസിഫിക്കയ്ക്ക് സ്നേഹത്തില് നിറഞ്ഞ ആശംസകള് ഈ പോസ്റ്റിനു താഴെ കുറിക്കുന്നുണ്ട്.
