ഹാര്പ്പി ഈഗിള് ഭൂമിയിലെ ഏറ്റവും ശക്തനായ ഇരപിടിയന് പക്ഷിയാണ്. എന്നാല് ഇത് ഇന്ന് വംശനാശത്തിന്റെ വക്കിലാണ്. നൂറുകണക്കിന് പൗണ്ട് മര്ദ്ദം പ്രയോഗിക്കാന് ശേഷിയുള്ള കാലുകള് കൊണ്ട് പൂര്ണ്ണവളര്ച്ചയെത്തിയ ഒരു ഹൗളര് കുരങ്ങിനെ പിടികൂടുന്നു. താഴെയുള്ള കുരങ്ങന്കൂട്ടം ചിതറിയോടുമ്പോഴേക്കും ഹാര്പ്പി ഈഗിള് അതിന്റെ ഇരയെ ഭക്ഷിച്ചുതുടങ്ങിയിരിക്കും.
തെക്കന് മെക്സിക്കോ മുതല് വടക്കന് അര്ജന്റീന വരെ വ്യാപിച്ചുകിടക്കുന്ന താഴ്ന്ന പ്രദേശങ്ങളിലെ ഉഷ്ണമേഖലാ മഴക്കാടുകളുടെ ആഴങ്ങളിലാണ് ഈ ഇരപിടിയന് കഴിയുന്നത്. വനത്തിന് മുകളിലൂടെ തികച്ചും നിശബ്ദമായി സഞ്ചരിക്കുന്ന പക്ഷി ആകാശത്ത് കൂടി പറക്കുന്നതിന് പകരം സുദീര്ഘമായി കാത്തിരുന്ന് നിരീക്ഷിച്ചാണ് ഇരപിടിക്കുക. ഒരേ മരക്കൊമ്പില് തന്നെ ചിലപ്പോള് 23 മണിക്കൂര് വരെ കാത്തിരുന്ന ശേഷം തുടര്ന്ന്, മണിക്കൂറില് 80 കിലോമീറ്റര് വരെ വേഗതയിലുള്ള ഒരു കുതിപ്പിലൂടെ ഇരയെ പിടികൂടും.
ഇന്ന് ജീവിച്ചിരിക്കുന്നവയില് വച്ച് ഏറ്റവും ശക്തനായ ഇരപിടിയന് പക്ഷിയായി പൊതുവെ അംഗീകരിക്കപ്പെട്ടിരിക്കുന്ന ഇത് ഗുരുതരമായ വംശനാശഭീഷണി നേരിടുകയാണ്. വലിയ കഴുകന്മാരെ അപേക്ഷിച്ച് ഹാര്പ്പിയുടെ ചിറകുകളുടെ നീളം രണ്ടു മീറ്റര് വരെ മാത്രമാണ് വീതിയുള്ളതും ഒതുക്കമുള്ളതുമായ ചിറകുകള്, കാടുകള്ക്കുള്ളിലൂടെ വേഗതയില് ദിശമാറി പറക്കാന് അവയെ സഹായിക്കുന്നു. ആണ്പക്ഷികളേക്കാള് വളരെ വലുപ്പമുള്ള പെണ്പക്ഷികള്ക്ക് ഒന്പത് കിലോ വരെ ഭാരമുണ്ടാകും. തങ്ങളുടെ അതേ ഭാരമുള്ള പൂര്ണ്ണവളര്ച്ചയെത്തിയ മരപ്പട്ടികള് , ഹൗളര് കുരങ്ങുകള് തുടങ്ങിയ ഇരകളെ മരക്കൊമ്പുകളില് നിന്ന് നിലത്തിറങ്ങാതെ, പറക്കലിനിടയില് തന്നെ നേരിട്ട് തട്ടിയെടുക്കാന് ഇവയ്ക്ക് കഴിയും.
ഇവയുടെ പിന്നിലെ നഖങ്ങള്ക്ക് 13 സെന്റിമീറ്റര് വരെ നീളമുണ്ട്ഇത് ഒരു ഗ്രിസ്ലി കരടിയുടെ നഖങ്ങള്ക്ക് തുല്യമാണ്. ഇരയുടെ എല്ലുകളെ തല്ക്ഷണം തകര്ക്കാന് തക്ക ശക്തമാണ് ഇവയുടെ പിടിത്തം. വേട്ടയാടല് എന്നത് ഇവയുടെ ക്ഷമയുടെ പ്രതീകമാണ്. ഹാര്പ്പി അനങ്ങാതെ ഇരിക്കുകയും, ശബ്ദം വഴി ഇരയുടെ ചലനങ്ങള് മനസ്സിലാക്കുകയും, ഒട്ടും പ്രതീക്ഷിക്കാത്ത സമയത്ത് ആക്രമിക്കുകയും ചെയ്യുന്നു.
ഒരൊറ്റ വേട്ടയിലൂടെ ലഭിക്കുന്ന ഭക്ഷണം കൊണ്ട് പല ദിവസങ്ങള് കഴിയാം എന്നതിനാല് ഇവ ദിവസവും വേട്ടയാടാറില്ല. ഒരു ജോടി പക്ഷികള് രണ്ട് മുതല് നാല് വര്ഷത്തില് ഒരിക്കല് മാത്രമാണ് ഒരു കുഞ്ഞിനെ വളര്ത്തുന്നത്. 1800-കള്ക്ക് ശേഷം ഹാര്പ്പിയുടെ വാസസ്ഥലം 40 ശതമാനത്തിലധികം ചുരുങ്ങി. എല് സാല്വഡോറില് നിന്ന് ഇത് പൂര്ണ്ണമായും തുടച്ചുനീക്കപ്പെട്ടു. മെക്സിക്കോയില് ഇത് ഇപ്പോള് ചിയാപാസില് മാത്രമാണ് നിലനില്ക്കുന്നത്. ആമസോണിലുടനീളമുള്ള വനനശീകരണം, വേട്ടയാടല്, വനങ്ങളുടെ വിഘടനം എന്നിവ കാരണം ഇവയുടെ എണ്ണം നിരന്തരം കുറഞ്ഞുകൊണ്ടിരിക്കുകയാണ്. ഇപ്പോള് 1,10,000 നും 2,50,000 നും ഇടയില് പക്ഷികള് മാത്രമേ ഉള്ളു.
തെക്കേ അമേരിക്കയിലുടനീളമുള്ള തദ്ദേശീയ ജനവിഭാഗങ്ങള് ഈ കഴുകനെ കാടിന്റെ കാവല്ക്കാരനായി പണ്ടുമുതലേ ആരാധിച്ചുപോരുന്നു. ഇത് പനാമയുടെ ദേശീയ പക്ഷിയാണ്, ലാറ്റിന് അമേരിക്കയിലെ കറന്സികളില് ഇത് പ്രത്യക്ഷപ്പെടുന്നു, കൂടാതെ 'ഹാരി പോട്ടര്' സിനിമകളിലെ ഡംബിള്ഡോറിന്റെ ഫീനിക്സ് പക്ഷിയായ 'ഫോക്സിന്' പ്രചോദനമായതും ഈ പക്ഷിയാണ്.
