കൊച്ചി: ശല്യം ചെയ്തതും മോശം പരാമര്ശങ്ങള് നടത്തിയതും ചോദ്യം ചെയ്തതിന് പെണ്കുട്ടികളെ സംഘം ക്രൂരമായി മര്ദ്ദിച്ചു. ഇന്ന് പുലര്ച്ചെ നടന്ന സംഭവത്തില് മര്ദ്ദനത്തില് പരിക്കേറ്റ ഒരു പെണ്കുട്ടിയെ എറണാകുളം ജനറല് ആശുപത്രിയില് പ്രവേശിപ്പിച്ചു. കലൂരില് പുലര്ച്ചെ നടന്നുപോകുമ്പോഴായിരുന്നു പെണ്കുട്ടികള്ക്ക് നേരെ യുവാക്കളുടെ സംഘം ക്രൂരമായ അതിക്രമം നടത്തിയത്.
രാവിലെ താമസസ്ഥലത്തേക്ക് പോകുകയായിരുന്ന പെണ്കുട്ടികള്ക്ക് നേരെ എട്ടംഗസംഘം അശ്ലീലചുവയോടെ സംസാരിക്കുകയായിരുന്നു. അക്രമിസംഘത്തില് പെണ്കുട്ടികളും ഉണ്ടായിരുന്നതായി പരിക്കേറ്റവരുടെ സുഹൃത്തുക്കള് വെളിപ്പെടുത്തി. അധിക്ഷേപം ചോദ്യം ചെയ്തതോടെ പ്രകോപിതരായ സംഘം തങ്ങളെ തടഞ്ഞുനിര്ത്തി ആക്രമിക്കുകയായിരുന്നുവെന്ന് പെണ്കുട്ടികള് പറഞ്ഞു.
അക്രമികള് മുടിയില് പിടിച്ചുവലിക്കുകയും നിലത്തിട്ട് ചവിട്ടുകയും ചെയ്തു. ഒരു പെണ്കുട്ടിയെ റോഡിലൂടെ വലിച്ചിഴയ്ക്കുകയും വസ്ത്രം വലിച്ചുകീറാന് ശ്രമിക്കുകയും ഉണ്ടായി. ഈ ക്രൂരതയുടെ ദൃശ്യങ്ങള് മൊബൈല് ഫോണില് പകര്ത്താന് ശ്രമിച്ചപ്പോള്, കൈ പിടിച്ചുതിരിച്ച് ഫോണ് പിടിച്ചുവാങ്ങി നിലത്തടിച്ചുടച്ചു. പെണ്കുട്ടികളുടെ കഴുത്തിലും ശരീരത്തിന്റെ മറ്റ് ഭാഗങ്ങളിലും മര്ദ്ദനമേറ്റ ഗുരുതരമായ പാടുകളുണ്ട്.
ആശുപത്രിയില് സംഭവം അന്വേഷിക്കാനായി എത്തിയ പോലീസില് നിന്നും തങ്ങള്ക്ക് ദുരനുഭവമാണ് ഉണ്ടായതെന്ന് പെണ്കുട്ടികള് ആരോപിക്കുന്നു. പുലര്ച്ചെ നാലരയ്ക്ക് എന്തിനാണ് പെണ്കുട്ടികള് പുറത്തിറങ്ങിയതെന്ന് ചോദ്യം ചെയ്ത പോലീസ് ഉദ്യോഗസ്ഥന്, ഇവരുടെ വസ്ത്രധാരണത്തെയും അധിക്ഷേപിച്ച് സംസാരിച്ചെന്ന് യുവതികള് പറയുന്നു. അതേസമയം, സംഭവത്തില് കേസെടുത്തിട്ടുണ്ടെന്നും ഒളിവില് പോയ അക്രമി സംഘത്തെ കണ്ടെത്താന് വിപുലമായ അന്വേഷണം ആരംഭിച്ചതായും പോലീസ് അറിയിച്ചു.
രാവിലെ താമസസ്ഥലത്തേക്ക് പോകുകയായിരുന്ന പെണ്കുട്ടികള്ക്ക് നേരെ എട്ടംഗസംഘം അശ്ലീലചുവയോടെ സംസാരിക്കുകയായിരുന്നു. അക്രമിസംഘത്തില് പെണ്കുട്ടികളും ഉണ്ടായിരുന്നതായി പരിക്കേറ്റവരുടെ സുഹൃത്തുക്കള് വെളിപ്പെടുത്തി. അധിക്ഷേപം ചോദ്യം ചെയ്തതോടെ പ്രകോപിതരായ സംഘം തങ്ങളെ തടഞ്ഞുനിര്ത്തി ആക്രമിക്കുകയായിരുന്നുവെന്ന് പെണ്കുട്ടികള് പറഞ്ഞു.
അക്രമികള് മുടിയില് പിടിച്ചുവലിക്കുകയും നിലത്തിട്ട് ചവിട്ടുകയും ചെയ്തു. ഒരു പെണ്കുട്ടിയെ റോഡിലൂടെ വലിച്ചിഴയ്ക്കുകയും വസ്ത്രം വലിച്ചുകീറാന് ശ്രമിക്കുകയും ഉണ്ടായി. ഈ ക്രൂരതയുടെ ദൃശ്യങ്ങള് മൊബൈല് ഫോണില് പകര്ത്താന് ശ്രമിച്ചപ്പോള്, കൈ പിടിച്ചുതിരിച്ച് ഫോണ് പിടിച്ചുവാങ്ങി നിലത്തടിച്ചുടച്ചു. പെണ്കുട്ടികളുടെ കഴുത്തിലും ശരീരത്തിന്റെ മറ്റ് ഭാഗങ്ങളിലും മര്ദ്ദനമേറ്റ ഗുരുതരമായ പാടുകളുണ്ട്.
ആശുപത്രിയില് സംഭവം അന്വേഷിക്കാനായി എത്തിയ പോലീസില് നിന്നും തങ്ങള്ക്ക് ദുരനുഭവമാണ് ഉണ്ടായതെന്ന് പെണ്കുട്ടികള് ആരോപിക്കുന്നു. പുലര്ച്ചെ നാലരയ്ക്ക് എന്തിനാണ് പെണ്കുട്ടികള് പുറത്തിറങ്ങിയതെന്ന് ചോദ്യം ചെയ്ത പോലീസ് ഉദ്യോഗസ്ഥന്, ഇവരുടെ വസ്ത്രധാരണത്തെയും അധിക്ഷേപിച്ച് സംസാരിച്ചെന്ന് യുവതികള് പറയുന്നു. അതേസമയം, സംഭവത്തില് കേസെടുത്തിട്ടുണ്ടെന്നും ഒളിവില് പോയ അക്രമി സംഘത്തെ കണ്ടെത്താന് വിപുലമായ അന്വേഷണം ആരംഭിച്ചതായും പോലീസ് അറിയിച്ചു.
Comments