നോയിഡയില് നിന്നും ഡെല്ഹിയിലേക്കുള്ള ടാക്സി യാത്രയ്ക്കിടെ നേരിടേണ്ടി വന്ന ദുരനുഭവമായി ബന്ധപ്പെട്ട് ഒരു യാത്രക്കാരന് എക്സില് പങ്കുവെച്ച വീഡിയോയാണ് ഇപ്പോള് നെറ്റീസണ്സിനിടയില് ചര്ച്ചയാകുന്നത്. ഹൈവേയിലൂടെ അതിവേഗത്തില് വാഹനം ഓടിക്കുന്നതിനിടയില് ഡ്രൈവര് മൊബൈല് ഫോണില് ടിവി സീരീസ് കാണുകയായിരുന്നു. ആപ്പ് മുഖേന ബുക്ക് ചെയ്യുന്ന ടാക്സികളിലെ സുരക്ഷയെക്കുറിച്ചും ഡ്രൈവര്മാരുടെ ഇത്തരം നിരുത്തരവാദപരമായ പെരുമാറ്റത്തെക്കുറിച്ചും വലിയ ചര്ച്ചകള്ക്കാണ് ഈ സംഭവം വഴിവെച്ചിരിക്കുന്നത്.
ഡാഷ്ബോര്ഡില് ഘടിപ്പിച്ച ഫോണില് 'താരക് മേത്ത കാ ഊല്ട്ടാ ചഷ്മ' എന്ന ജനപ്രിയ പരമ്പര കണ്ടുകൊണ്ടായിരുന്നു ഡ്രൈവറുടെ യാത്ര. പുറത്ത് 45 ഡിഗ്രി കടുത്ത ചൂടുള്ള സമയത്താണ് ഈ സംഭവം നടന്നത്. ഡ്രൈവറോട് ഫോണ് ഓഫ് ചെയ്ത്ഡ്രൈവിംഗില് ശ്രദ്ധിക്കാന് യാത്രക്കാരന് മാന്യമായി ആവശ്യപ്പെട്ടെങ്കിലും അയാള് അതിന് തയ്യാറായില്ല.
പരാതിയുണ്ടെങ്കില് വണ്ടിയില് നിന്ന് ഇറങ്ങിപ്പോകാനായിരുന്നു ഡ്രൈവറുടെ മറുപടി. കടുത്ത ചൂടില് കുടുംബത്തോടൊപ്പം തിരക്കേറിയ ഹൈവേയുടെ നടുവില് ഒറ്റപ്പെട്ടുപോകുമെന്ന അവസ്ഥയായതിനാല്, കൂടുതല് തര്ക്കങ്ങള്ക്ക് നില്ക്കാതെ നിശബ്ദരായി യാത്ര തുടരേണ്ടി വന്നുവെന്ന് യാത്രക്കാരന് വ്യക്തമാക്കി. 'ഊബര്ഓല പോലുള്ള സര്വീസുകളില് നമ്മുടെ ജീവന് എന്താണ് വില?' എന്നും അദ്ദേഹം ചോദിക്കുന്നു.
പോസ്റ്റ് വൈറലായതോടെ ഡ്രൈവര്ക്കെതിരെ കടുത്ത നടപടി വേണമെന്ന ആവശ്യവുമായി നിരവധി പേര് രംഗത്തെത്തി. ഡ്രൈവര്മാരുടെ ഇത്തരം അശ്രദ്ധ ആ വാഹനത്തിലുള്ളവരുടെ മാത്രമല്ല, റോഡിലൂടെ പോകുന്ന മറ്റ് യാത്രക്കാരുടെയും സുരക്ഷയ്ക്ക് വലിയ ഭീഷണിയാണെന്ന് സോഷ്യല് മീഡിയ ഉപയോക്താക്കള് അഭിപ്രായപ്പെട്ടു.
चलती Ola में 45° गर्मी के बीच,
ड्राइवर ‘तारक मेहता’ देख रहा था!
Noida से दिल्ली जा रहा था,
पत्नी और छोटे भाई के साथ।
मैंने विनम्रता से बोला कि भैया, स्क्रीन बंद करो,
ड्राइविंग पर ध्यान दो।
ड्राइवर का जवाब कि
“दिक्कत है तो उतर जाओ”
हाईवे के बीच परिवार को 45 डिग्री धूप… pic.twitter.com/uUNopNUXxW— Nunu (@Dreams_realites) June 1, 2026
