അവതാരക, അഭിനേത്രി, യൂട്യൂബര്, വ്ലോഗര് എന്നിങ്ങനെ തൊട്ടതെല്ലാം പൊന്നാക്കി പ്രേക്ഷകമനസ്സിലിടം പിടിച്ച താരമാണ് പേര്ളി മാണി. അവതാരകയായി തുടക്കം കുറിച്ച പേര്ളിയെ കൂടുതല് ആളുകള് സ്നേഹിച്ചത് ബിഗ് ബോസില് മത്സരാര്ത്ഥിയായി എത്തിയപ്പോഴാണ്. തന്റെ ജീവിതപങ്കാളിയെ പേര്ളി കണ്ടെത്തിയതും അവിടെ നിന്ന് തന്നെ. പേര്ളിയിലൂടെയാണ് നടന് ശ്രീനിഷ് അവരിന്ദിനെ പ്രേക്ഷകര് അടുത്തറിഞ്ഞത്.
ഇതുവരെയുളള തന്റെ കരിയറിലും എല്ലാ വിജയത്തിനു പിന്നിലും ‘ശ്രീനി’യാണെന്ന് പേര്ളി പലപ്പോഴും പറഞ്ഞിട്ടുണ്ട്. കൂട്ടായും കരുത്തായും എന്നും പേര്ളിയ്ക്കൊപ്പം ശ്രീനിഷുണ്ട്. പേര്ളിയ്ക്കൊപ്പം യൂട്യൂബ് ചാനലില് മിക്കപ്പോഴും എത്താറുള്ള ശ്രീനി, തന്റെ എല്ലാ വിശേഷങ്ങളും സോഷ്യല് മീഡിയ വഴി പങ്കിടാറുണ്ട്.
ഇപ്പോഴിതാ തന്റെ ജന്മദിനാഘോഷത്തിന്റെ ചിത്രങ്ങള് പങ്കിടുകയാണ് ശ്രീനിഷ്. ഇത്തവണ പേര്ളിയ്ക്കും കുഞ്ഞുങ്ങള്ക്കൊപ്പം ഹോങ്കോംഗിലാണ് താരം ബര്ത്ത്ഡേ ആഘോഷിക്കുന്നത്. പൂളില് ആകാശത്തെ നോക്കി നില്ക്കുന്ന ചിത്രങ്ങളും പേര്ളിക്കൊപ്പമുള്ള റൊമാന്റിക് നിമിഷങ്ങളും കുഞ്ഞുങ്ങള്ക്കൊപ്പം സ്വിമ്മിംഗ് പൂളില് തകര്ത്തുല്ലസിക്കുന്ന ചിത്രങ്ങളും ശ്രീനിഷ് പങ്കുവച്ചിട്ടുണ്ട്. ‘ഹാപ്പി ബര്ത്ത്ഡേ ടു മീ...’ എന്ന ക്യാപ്ഷന് നല്കിയാണ് ശ്രീനിഷിന്റെ ചിത്രങ്ങള്. നിരവധി പേര് താരത്തിന് സ്നേഹത്തില് കുതിര്ന്ന ആശംസയും സ്നേഹവും പങ്കിടുന്നുണ്ട്.
