മുംബൈ: ഇറാനെതിരായ യുദ്ധത്തില് വലഞ്ഞ് മഹാരാഷ്ട്രയിലെ ബാര്ബര് ഷോപ്പ് ഉടമകളും. യുദ്ധം ബാര്ബര് ഷോപ്പ് ഉടമകളും. യുദ്ധം ബാര്ബര് ഷോപ്പുകളില് ഉപയോഗിക്കുന്ന വസ്തുക്കളുടെ വിലവര്ധനവിന് കാരണമായി. ഇതോടെ എല്ലാ സേവനങ്ങളുടെയും നിരക്ക് കൂട്ടാന് ബാര്ബര് ഷോപ്പ് ഉടമകള് നിര്ബന്ധിതരായിരിക്കുകയാണ്.
ഹെയര്കട്ട് ഉള്പ്പെടെയുള്ള സേവനങ്ങളുടെ നിരക്ക് 20 ശതമാനമാണ് വര്ധിപ്പിച്ചത്. പുതുക്കിയ നിരക്ക് അനുസരിച്ച്, ഹെയര്കട്ടിന് ഇനി 180 രൂപയും ഷേവിങ്ങിനും ഹയര് വാഷിനും 120 രൂപയും താടിവെട്ടുന്നതിന് 150 രൂപയും ഹെയര് മസാജിന് 180 രൂപയുമാണ് ഈടാക്കുക. ഫേഷ്യലിന് 700 രൂപ മുതലും ഹെയര് സ്പായ്ക്ക് 600 രൂപയുമാണ് നിശ്ചയിച്ചിരിക്കുന്നത്. പുതിയ നിരക്കുകള് ഇന്ന് മുതല് പ്രാബല്യത്തില് വരുമെന്ന് ഹിന്ദുസ്ഥാന് ടൈംസ് റിപ്പോര്ട്ട് ചെയ്യുന്നു.
കണക്കുകള് പ്രകാരം മഹാരാഷ്ട്രയില് ഒരു ലക്ഷത്തിലധികം ബാര്ബര് ഷോപ്പുകളാണ് ഉള്ളത്. വരും ദിവസങ്ങളില് സംസ്ഥാനത്തെ പ്രീമിയം, ആഡംബര സലൂണുകളിലും നിരക്ക് വര്ധനയുണ്ടാകാന് സാധ്യതയുണ്ട്. ആഡംബര സലൂണില് 500 രൂപ മുതലാണ് ഹെയര്കട്ടിന്റെ നിരക്ക് തുടങ്ങുന്നത്.
