അനില് കപൂര്-മാധുരി ദീക്ഷിത് കോമ്പോ എന്നും പ്രേക്ഷകര്ക്ക് ഏറെ പ്രിയപ്പെട്ടതാണ്. ബിഗ് സ്ക്രീനില് ഇവര് ഒരുമിച്ചെത്തിയ സിനിമകള് സൂപ്പര്ഹിറ്റ് സിനിമകളുടെ ഗണത്തില് പെടുന്നവയാണ്. ഒരു കാലത്ത് ബോളിവുഡിന് ഏറ്റവും പ്രിയപ്പെട്ട ഐക്കോണിക് ഓണ്സ്ക്രീന് ജോഡികളായിരുന്നു ഇവര്. വൻ ബ്ലോക്ക്ബസ്റ്റർ ഹിറ്റുകൾ സമ്മാനിക്കുകയും ഹിന്ദി സിനിമയുടെ ഒരു യുഗം നിർവചിക്കുകയും ചെയ്തവരാണ് ഇവര്. ആവേശകരമായ കെമിസ്ട്രി, ആവിഷ്കാരാത്മക അഭിനയം, മറക്കാനാവാത്ത നൃത്ത നമ്പറുകൾ എന്നിവയ്ക്ക് പേരുകേട്ട ഈ ജോഡി ഏകദേശം 20 ചിത്രങ്ങളിൽ സ്ക്രീൻ പങ്കുവച്ചിട്ടുണ്ട്.
ഇപ്പോഴിതാ വര്ഷങ്ങള്ക്കിപ്പുറം ഈ ഓണ്സ്ക്രീന് കോമ്പോയെ ഒരുമിച്ചു കണ്ട സന്തോഷം പങ്കിടുകയാണ് ആരാധകര്. മാധുരിയുടെ ഏറ്റവും പുതിയ സീരീസായ മാ ബെഹന്റെ സ്ക്രീനിംഗിനാണ് രണ്ടാളും ഒരുമിച്ചെത്തിയത്. രണ്ടുപേരും ഒരുമിച്ചുള്ള കോമ്പോ ബിഗ് സ്ക്രീനില് കാത്തിരിക്കുന്ന പ്രേക്ഷകര്ക്ക് മുന്നിലേക്ക് രണ്ടുപേരും ഒരുമിച്ചുള്ള ചിത്രം എത്തിയതിന്റെ സന്തോഷത്തിലാണ് ആരാധകര്.
