മലയാളത്തിന്റെ പ്രിയ നടനും ദേശീയ പുരസ്കാര ജേതാവുമായ സലിംകുമാറിന്റെ വേര്പാടില് സഹപ്രവര്ത്തകര് മാത്രമല്ല ആരാധകരും കണ്ണീര്ക്കടലിലായി. മിമിക്രി വേദികളിലൂടെ തുടക്കം കുറിച്ച് പിന്നീട് ഹാസ്യതാരമായി ബിഗ് സ്ക്രീനില് തിളങ്ങി, കോമഡി മാത്രമല്ല സ്വഭാവിക വേഷങ്ങളിലും തനിക്കിണങ്ങുമെന്ന് തെളിയിച്ച് തിളങ്ങിയ താരമാണ് സലീം കുമാര്. വൈവിധ്യമാര്ന്ന ഒട്ടനവധി കഥാപാത്രങ്ങളിലൂടെ ട്രോളുകളെയും മീമുകളെയും ഭരിച്ച നടന്മാരിലൊരായ സലീം കുമാര് മറക്കാനാകാത്ത പെര്ഫോമന്സുകള് കൊണ്ട് ബിഗ്സ്ക്രീനിനെ അത്ഭുതപ്പെടുത്തിയിട്ടുണ്ട്.
ആയിരക്കണക്കിന് ആരാധകരാണ് തങ്ങളുടെ പ്രിയതാരത്തെ അവസാനമായി കാണാനും യാത്രാമൊഴി അര്പ്പിക്കാനുമായി ലാഫിംഗ് വില്ലയിലേക്ക് എത്തിയത്. സലിം കുമാറിന് അന്ത്യോപചാരം അര്പ്പിക്കാന് മലയാള സിനിമയിലെ പ്രമുഖരെല്ലാം എത്തിയിരുന്നു. അതോടെ ഓണ്ലൈന് മാധ്യമങ്ങളുടെ ഉന്തും തള്ളുമായി. പലരും താരങ്ങളുടെ ഇമോഷണനുകള് പകര്ത്താന് മത്സരിച്ചു. സംസ്കാരച്ചടങ്ങുകള് ശരിയായി ചെയ്യാനോ, സലിം കുമാറിന് ഗാര്ഡ് ഓഫ് ഓണര് നല്കാനെത്തിയ പൊലീസുകാര്ക്ക് പോലും ബുദ്ധിമുട്ടുണ്ടാക്കുന്നതായിരുന്നു മാധ്യമങ്ങളുടെ തിരക്ക്.
സലിം കുമാറിന് അന്ത്യം ചുംബനം നല്കാന് പോലും ബുദ്ധിമുട്ടേണ്ടി വന്നതോടെ ചന്തു മാധ്യമപ്രവര്ത്തകരോട് മാറി നില്ക്കാന് ആവശ്യപ്പെട്ടു. എന്നാല് അതൊന്നും ആരും ചെവി കൊണ്ടില്ല. അവസാനം ഇതോടെ നിറണ്ണുകളോടെ ചന്തു പൊട്ടിത്തെറിച്ചുപോയി, രോഷാകുലനായി. ഇതിന്റെ വീഡിയോ സോഷ്യല് മീഡിയയിലൂടെ വൈറലാകുകയും ചെയ്തു.
ഇപ്പോഴിതാ ചന്തുവിന്റെ പ്രതികരണത്തെക്കുറിച്ച് തുറന്ന നിലപാട് കുറിക്കുകയാണ് എയർഗൈഡ് ഇന്റർനാഷണൽ, എയർഗൈഡ് ട്രാവൽ & ടൂറിസത്തിന്റെ മാനേജിംഗ് ഡയറക്ടറുമായ സലിം എയർഗൈഡ്. അച്ഛനെ മാന്യമായി യാത്രയയക്കാനുള്ള അവകാശത്തിനുവേണ്ടിയുള്ള മകന്റെ പ്രതിഷേധമായിരുന്നു അതെന്നും അവിടെ നിന്നിരുന്ന ഓരോ കുടുംബാംഗത്തിന്റെയും ഉള്ളിലെ വേദനയുടെ ശബ്ദമായിരുന്നുവെന്നും കുറിക്കുകയാണ് സലിം.
‘‘ഇന്ന് ചന്തു പറഞ്ഞത് ഒരാളുടെ ശബ്ദമല്ല... ആ പ്രതികരണം ഒരു വ്യക്തിയുടെ ദേഷ്യമല്ല. തന്റെ അച്ഛനെ മാന്യമായി യാത്രയയക്കാനുള്ള അവകാശത്തിനുവേണ്ടിയുള്ള പ്രതിഷേധമായിരുന്നു. അവിടെ നിന്നിരുന്ന ഓരോ കുടുംബാംഗത്തിന്റെയും ഉള്ളിലെ വേദനയുടെ ശബ്ദമായിരുന്നു. ഇന്ന് സലിം കുമാറിന്റെ സംസ്കാര ചടങ്ങുകൾക്കിടെ സംഭവിച്ചതും അതുതന്നെയാണ്. ഒരു അച്ഛന്റെ മൃതദേഹത്തിന് മുന്നിൽ നിൽക്കുന്ന മക്കളുടെ ദുഃഖത്തേക്കാൾ ചിലർക്കു പ്രധാനമായത് ഒരു ഫ്രെയിമും ഒരു ദൃശ്യവുമായിരുന്നു. ഒടുവിൽ സഹനത്തിന്റെ അതിരുകൾ കടന്നപ്പോൾ മകൻ ചന്തു പ്രതികരിച്ചു...’’ എന്നാണ് സലിം എയർഗൈഡ് കുറിച്ചിരിക്കുന്നത്. നിരവധി സിനിമാതാരങ്ങളും മറ്റ് ആരാധകരും ചന്തുവിന്റെ പ്രതികരണത്തെ പിന്തുണച്ച് കമന്റുകള് കുറിക്കുന്നുണ്ട്.
